Limerick (dachtang)

Faan Wikipedia
Waksle tu: Nawigatjuun, Schük
Amrum.pngTekst üüb Öömrang


En limerick faan Edward Lear

Limericks san spoosag dachtangen mä en fääst fääsfurem. Jo kaam so am 1820 uun Ingelun ap, an di bekäändst dachter faan limericks as wel daalang noch Edward Lear.


2015 hää det Nordfriisk Instituut en pris ütjlööwet för di best limerick uun en fresk spriakwiis.


Bispalen[Bewerke | Kweltekst bewerke]

Fering[Bewerke | Kweltekst bewerke]

En jongen gast faan Söleraanj
hed was ei tuföl beeft a braanj:
Nian jil üüb a beenk,
maad am werk ei ens teenk,
man keerd en rocht graten waanj!

faan: Ingken Lüdtke[1]

Diar wiar ens en schephörd ütj Wik,
de hed a snütj fol faan a dik.
Hi hed at feks puan
an füng tu man luan,
nü schongt’er Chansons an as rik. [2]

Frasch[Bewerke | Kweltekst bewerke]

Latiinsch wus en böre üt Tuner,
di toocht foon ham seelew wat wuner.
Duch üt aw e eeker
wus’r ai mör sü sääker,
dan hi ploud åål sin bäiste ma uner. [2]

Luke uk diar[Bewerke | Kweltekst bewerke]

Futnuuten[Bewerke | Kweltekst bewerke]

  1. Efter: Nordfriisk Instituut
  2. 2,0 2,1 Faan: Nordfriisk Instituut, Prisapgoow (PDF)