Ludwig Nissen

Faan Wikipedia
Zur Navigation springen Zur Suche springen
Langenhorn-Wappen.png Gooshiirder fräisch (Hoolmer)


Ludwig Nissen

Ludwig Nissen (* 2. Deetsember 1855 oun Hüsem; † 26. Oktoober 1924 oun Brooklyn, New York) wås en diamanthoonler oun New York. Hi woor as stifter foon dat Ludwig-Nissen-Hüs oun Hüsem bekånd.

Laawen[Bewerke | Kweltekst bewerke]

Di 2. Deetsember 1855 woor Ludwig Nissen as seekst foon Hans Friedrich Nissen (1821–1887) än Lucie Catherine Dawartz (1822–1898) järe tiin beerne oun Hüsem tuloid. Hi ging tu e foolksschoul än wooged deereewer as schriwer åwt amtsgericht oun dat Hüsem Sloot, weer tu dat seelben tid Theodor Storm as ruchter wooged. 1872 ging hi tu dä Feriind Stoote än loi mä Fred Schilling en juweelelooden Schilling & Nissen än läär sin oin firma Ludwig Nissen & Co. oun New York grün. Hi woor fåli rik än liird dä amerikoonsch präsidänte Theodore Roosevelt, William Howard Taft än Calvin Coolidge kånen. Åw en besäik tu Hüsem ount jeer 1921 däi hi bekånd, dat hi en foolkshüs grünläie wäil. Et foolkshüs woor 1933, nüügen jeernge eewer san duus, as dat Ludwig-Nissen-Hüs weermååget.