Mapuche

Faan Wikipedia
Tekst üüb Öömrang


Huar a Mapuche lewe
Mapuche an ööder uuriinwenern uun Chiile

A Mapuche (iar uk Araukaanern näämd) san en fulk faan indioonern uun Chiile an Argentinien. Jo snaake Araukaansk spriaken. A miasten lewe uun't IX. Regiuun Araukaanien.

Sköölen[Bewerke | Kweltekst bewerke]

  • Picunche (Nuurdminsken)
  • Huilliche (Süüdminsken)
  • Ldafkenche (Siaminsken)
  • Wenteche (Däälminsken)
  • Pewenche, det san a miasten

Fööraal a Pewenche an a Huilliche küd jo loong jin a spoonsk iinwaanrern trochsaat, an jo haa uk hör spriaken bewaaret: Mapudungun an Huilliche. Faan ~1550 bit 1883 hed a Mapuche hör aanj stoot, di 1641 uk faan a Spoonsken gudkäänd wurden as. Man 1883 ging Chiile hard jin a indioonern föör, an naam jo hör lun wech. Uun det Mapuche-regiuun san föl minsken faan Sjiisklun iinwaanert, fööraal am det stääd Valdivia.

Flag[Bewerke | Kweltekst bewerke]

Wenufoye, det flag faan a Mapuche.

  • A klöören stun för:
Güül: a san
Blä: at leewent an at uniwersum
Witj: wisdoom an rünjhaid
Ruad: krääft an histoore
Green: a eerd an natüür
  • Sümboolen:
At Cultrun as en trinj trumel, diar för musiik brükt woort. Diar san a san, a muun an stäären üüb tu sen, an a sjauer hemelswaier.
At Gemil as en krüs, diar för weden an hoonwerkskonst stäänt.

Regiuunen[Bewerke | Kweltekst bewerke]

Enkelt regiuunen haa diartu hör aanj flag:

Luke uk diar[Bewerke | Kweltekst bewerke]

Commons Commonskategorii: Mapuche – Saamlang faan bilen of filmer

Koordinaaten: 38° 45′ S, 72° 40′ W