Micheil Saakaschwili
 Tekst üüb Fering
|
Micheil Saakaschwili (üüb Georgisk: მიხეილ სააკაშვილი [mɪχɛɪl sɑɑkʼɑʃvɪlɪ], üüb Ukrainisk: Михайло (Міхеіл) Ніколозович Саакашвілі Mychajlo (Micheil) Nikolosowytsch Saakaschwili; * 21. Deetsember 1967 uun Tiflis, Georgisk SSR, Sowjetunioon) as en (föör 2015) georgisk, (2017-2019) stootenluas an (2015-2017, sant 2019) ukrainisk poliitiker.
Faan 2000 tu 2001 wiar hi georgisk justiisminister an faan 2002 tu 2004 föörstmaan faan't steedfersoomling faan Tiflis. Hi lai 2001 en nei poliitisk partei, det Ferianigt Natschunaal Beweeging, grünj. Efter't Ruusenrewolutschoon wurd hi 2004 tu a president faan't lun weelet an bleew tu 2013 president. Hi ging do tu't Ukraine an wurd beriader faan a president faan't lun. Faan Mei 2015 tu Nofember 2016 wiar hi guwernöör faan det Odessa Prowins uun Ukraine.
De 28. Jüüne 2018 wurd Saakaschwili faan en georgisk gericht uun wechweesen tu seeks juar uun't suart hüs ferurdialet. Uun a harewst 2021, kurt föör a komunaalwoolen, ging hi tu Georgien turag, an wurd faan't regiaring feestnimen.
Luke uk diar
[Bewerke | Kweltekst bewerke]- Presidenten faan Georgien: Swiad Gamsachurdia (1991-1992), Eduard Schewardnadse (1995-2003), Nino Burdschanadse (üüs stelfertreeder; 2003-2004, 2007-2008), Micheil Saakaschwili (2004-2007, 2008-2013), Giorgi Margwelaschwili (2013-2018), Salome Surabischwili (sant 2019).
Commons: Micheil Saakaschwili – Saamling faan biljen of filmer