Offa faan Mercia
 Tekst üüb Öömrang
|
Offa wiar uun ualang tidjen en könang faan a Angeln uun Jütlun. Faan Offa woort uun't ualingelsk dachtang Widsith ferteld. Hi skal mä sin swörd Skræp jin a Saksen streden haa. An hi füng det turocht, dat a Saksen ei widjer am a nuurd üs bit tu a struum Fifeldor (det wiar wel a Eider) föör kaam.
Uun a fulkenwaanrangstidj toog a Angeln tu Britanien, an strääd diar fööraal jin a Pikten. Tu jü tidj jääw't uun Ingelun noch flook könangriken: Northumbria, Mercia, Wessex, Sussex, Essex, Kent an East Anglia. Faan 757 bit 796 wiar Offa faan Mercia diar könang, an hi wiar di iarst, di ham Könang faan Ingelun näämd. An san nööm ferwiset üüb det ufstamang faan a Angeln, huar di ual Offa en graten helt wiar.
Oober iarst hunert juar leeder jääw't di iarst würelk Könang faan Ingelun, det wiar Alfred di Grat, könang faan Wessex, an 886-899 faan Ingelun.
Sant 1936 jaft'at en bleed Offa faan a archeoloogen faan't CAU uun Kiel, an det as uk efter di ual könang faan a Angeln näämd wurden.
Luke uk diar[Bewerke | Kweltekst bewerke]
Commonskategorii: Offa faan Mercia – Saamlang faan bilen of filmer| Föörgunger | Amt | Efterfulger |
|---|---|---|
| Beornrad | Könang faan Mercia 757–796 | Ecgfrith |