Olersem/mo

Faan Wikipedia
Zur Navigation springen Zur Suche springen
Bökingharde.png Täkst aw mooringer frasch


E Gemiine Olersem önj e Kris Nordfraschlönj

Olersem (aw Tjüsch än Dånsch: Oldsum) as en gemiine önjt Åmt Fäär-Oomram önj e Kris Nordfraschlönj. E gemiine läit önjt norden änt söödweesten foont ailönj Fäär. E gemiine heet tou diile: trinam dåt grutst diilj, wat önjt norden foont ailönj as, läit önjt norden et Heef, lade önjt ååsten e gemiine Madlem än Aalkersem, önjt sööden Borigsem än Söleraanj, än läit önjt weesten Dunsem. Trinam dåt latjer diilj, wat önjt söödweesten foont ailönj as, läit önjt norden e gemiine Söleraanj, önjt ååsten Borigsem, önjt söödweesten Wiisem, än önjt sööden än weesten Ödersem. Dåt heet 505 inboogere (2019)[1].

Geografii[Bewerke | Kweltekst bewerke]

E gemiine heet trii toorpe, Olersem, Klantem än Taftem wat önjt sööden foon e gemiine lade. Olersem as dåt weestlikst toorp än Taftem dåt ååstlikst; Klantem as önjtwasche.

Inboogere[Bewerke | Kweltekst bewerke]

Huum, wat foon Olersem kamt, as aw Fering en olersembüür (mörtål olersembüüren). Dåt weesdringer Fering wårt önj Olersem, Klantem än Taftem snååked.

Histoori[Bewerke | Kweltekst bewerke]

E gemiine wörd di 1. önj e Ismoune 2007 diilj foon dåt nai Åmt Fäär-Oomram. Tuforen wus e gemiine diilj foont Åmt Fäär-Lönj.

Kwäle[Bewerke | Kweltekst bewerke]

  1. Nordfriesland: County in Schleswig-Holstein, citypopulation.de