Kris Nordfraschlönj
 Täkst aw mooringer frasch
|
| Woopen | Tjüschlönjkoord |
|---|---|
|
 Koordinaaten: 54° 29′ N, 9° 3′ O
|
| Gründooten | |
| Bundeslönj: | Slaswik-Holstiinj |
| Ferwaltingstää: | Hüsem |
| Grutelse: | 2.048,61 km² |
| Inboogere: |
165.951 (31. Det. 2019)[1] |
| Inboogere per km²: | 81 Inboogere per km² |
| Kfz-Kåntiiken: | NF |
| Krisnumer: | 01 0 54 |
| NUTS: | DEF07 |
| Krisapdiiling: | 133 Gemiinde |
| Adres foon e Krisferwalting: | Marktstraße 6 25813 Hüsem |
| Internetsid: | |
| Lönjrädj: | Florian Lorenzen (CDU) |
| Lååg foon di Kris Nordfraschlönj önj Slaswik-Holstiinj | |
| |
E Kris Nordfraschlönj (aw Tjüsch: Nordfriesland, aw Plååttjüsch: Noordfreesland, aw Dånsch: Nordfrisland) as di nordlikste lönjkris önj Tjüschlönj än eefter e grutelse di treede önj Slaswik-Holstiinj. Önjt norden läit et Dånsch, önjt ååsten e Kris Slaswik-Flansborj, önjt sööden e Kris Dithmjarsche än önjt weesten e Weestsiie. Et heet 165.951 manschne (2019)[2]. E hoodstää foon e kris as Hüsem.
Geografii[Bewerke | Kweltekst bewerke]
E Kris Nordfraschlönj läit önjt nordweesten foont bundeslönj Slaswik-Holstiinj, twasche e gränse tut Dånsch önjt norden än di Ääder Struum önjt sööden. Di nordlikste punkt önj e kris as List, awt ailönj Sal, wat uk di nordlikste punkt önj Slaswik-Holstiinj än Tjüschlönj as. Di sööderlikste punkt as e müning foon di Ääder Struum. Di weestlikste punkt as Jongnaamen, en huuchsönj tut weesten foont ailönj Oomram, än di ååsterlikste punkt as aw e kånt foon di Treene Struum, önj e gemiine Aastenfäil.
E kris heet tou diile: e Fååstewål önjt ååsten än da Nordfrasche Ailönje önjt weesten. Da trii grutste foon da Nordfrasche Ailönje san Sal (99 km²), Fäär (82 km²) än Oomram (20,46 km²).
Baitu foon di Ääder, wichtie struume önj e kris san di Arlau, di Ååstenou, di Såhulm Ou än di Treene.
Stääse[Bewerke | Kweltekst bewerke]
Da tiin grutste stääse önj e kris san:
| # | Stää | Inboogere (2011)[3] |
|---|---|---|
| 1 | Hüsem | 21.100 |
| 2 | Weesterlönj (ma Tinem) | 11.000 |
| 3 | Naibel | 9240 |
| 4 | Leek | 6760 |
| 5 | Bräist | 5020 |
| 6 | Taning | 4540 |
| 7 | E Wiik | 4300 |
| 8 | Mälst | 3160 |
| 9 | Sankt Peter-Urdem | 3070 |
| 10 | E Hoorne | 2750 |
Indiiling foon Ferwålting[Bewerke | Kweltekst bewerke]
E Kris Nordfraschlönj heet trii åmtsfrie stääse, tou åmtsfri gemiine än oocht åmte.
| Åmtsfrie Stääse | |||
|---|---|---|---|
| # | Stää | Inboogere (2019)[4] | Hoodstää |
| 1 | Fräärstää | 2653 | - |
| 2 | Hüsem | 23.189 | - |
| 3 | Taning | 4984 | - |
| Åmtsfri Gemiine | |||
| # | Gemiine | Inboogere (2019)[4] | Hoodstää |
| 1 | Reußenkuuge | 324 | - |
| 2 | Sal | 13.689 | - |
| Åmte | |||
| # | Åmt | Inboogere (2019)[4] | Hoodstää |
| 1 | Ääderstää | 11.373 | Gaarding |
| 2 | Fäär-Oomram | 10.493 | E Wiik |
| 3 | Loonschap Sal | 4429 | Weesterlönj |
| 4 | Madel-Nordfraschlönj | 21.015 | Bräist |
| 5 | Nordsiie-Treene | 23.477 | Mälst |
| 6 | Pälweerm | 1414 | Hüsem |
| 7 | Söödtuner | 39.738 | Naibel |
| 8 | Fjåål | 9173 | Fjåål |
E kris heet 131 gemiine. Kiik: List foon Gemiine önj e Kris Nordfraschlönj.
Manschne[Bewerke | Kweltekst bewerke]
- 1970: 156.400 (wüfe: 81.300, karmene: 75.100)[5]
- 1980: 161.800 (wüfe: 82.700, karmene: 79.100)[6]
- 1990: 152.600 (wüfe: 78.800, karmene: 74.600)[7]
- 2000: 164.300 (wüfe: 83.700, karmene: 80.600)[8]
Histoori[Bewerke | Kweltekst bewerke]
E kris wörd di 26ste önj e Gjarsmoune 1970 grünläid, eefter da üülje krise Kris Ääderstää, Kris Hüsem, et mååst foon di üülje Kris Söödtuner (suner 6 gemiine) än trii gemiine foon di üülje Kris Slaswik tuhuupeläid wörden.
E Kris Ääderstää (1965)
E Kris Hüsem (1965)
E Kris Söödtuner (1965)
Politiik[Bewerke | Kweltekst bewerke]
E krisdäi heet 56 sate. Jü leetst wool tu e krisdäi wus di 6ste önj e Krölemoune, 2018.
E riseltoote foon e kriswoole önj e iirnge 2018 än 2013[9]:
| Partai | Kriswool 2018 | Kriswool 2013 | Feranering | ||
|---|---|---|---|---|---|
| Steeme | Prosänt | Steeme | Prosänt | ||
| CDU | 26.180 | 37,2% | 27.387 | 39,6% | ↓ 2,4% |
| SPD | 13.817 | 19,6% | 16.640 | 24,1% | ↓ 4,5% |
| GRÄINE | 9727 | 13,8% | 6852 | 9,9% | ↑ 3,9 % |
| FDP | 3494 | 5,0% | 2539 | 3,7% | ↑ 1,3% |
| AfD | 2545 | 3,6% | - | - | - |
| DIE LINKE | 1821 | 2,6% | 895 | 1,3% | ↑ 1,3% |
| SSW | 5167 | 7,3% | 6343 | 9,2% | ↓ 1,9% |
| Z.NF | 1354 | 1,9% | - | - | - |
| WG-NF[10] | 6272 | 8,9% | 7267 | 10,5% | ↓ 1,6% |
| PIRATEN | - | - | 1265 | 1,8% | - |
E hood foon e krisdäi as e krispräsident/in. E krispräsident sunt 2020 as Manfred Uekermann.
Wirtschap[Bewerke | Kweltekst bewerke]
Tååle foon manschne, deer 2019 än 2020 önj e kris suner årbe san:
| Moune | 2019[11] | 2020[11] |
|---|---|---|
| Ismoune | 5916 | 5454 |
| Biikenmoune | 5902 | 5539 |
| Uursmoune | 5223 | 4845 |
| Gjarsmoune | 4261 | 5249 |
| Krölemoune | 3952 | 5497 |
| Samermoune | 3871 | 4956 |
| Foodermoune | 4049 | 4846 |
| Beeridmoune | 3901 | 4652 |
| Härfstmoune | 3789 | 4441 |
| Stormmoune | 3818 | 4294 |
| Mistmoune | 4376 | 4708 |
| Jülmoune | 4955 | 5160 |
Sünhäid[Bewerke | Kweltekst bewerke]
Et Kliinikum Nordfraschlönj heet trii kliinike önj Naibel, Hüsem än E Wiik än en Regionaal Sünhäidssäntrum önj Taning.
Ferwising eeder büte[Bewerke | Kweltekst bewerke]
Commons: Nordfriislon – Soomling foon bile än filmeKwäle[Bewerke | Kweltekst bewerke]
- ↑ Statistikamt Nord – Bevölkerung der Gemeinden in Schleswig-Holstein 4. Quartal 2019 (XLS-datei) (Widjerfeerd üüb grünjlaag faan't fulkstäälang 2011) (Heelp aw tjüsch)
- ↑ Germany: Administrative Division, citypopulation.de
- ↑ Nordfriesland: County in Schleswig-Holstein, citypopulation.de
- ↑ 4,0 4,1 4,2 Bevölkerung der Gemeinden in Schleswig-Holstein: 4. Quartal 2019, statistik-nord.de
- ↑ Statistisches Jahrbuch für die Bundesrepublik Deutschland 1972
- ↑ Statistisches Jahrbuch für die Bundesrepublik Deutschland 1982
- ↑ Statistisches Jahrbuch für die Bundesrepublik Deutschland 1992
- ↑ Statistisches Jahrbuch für die Bundesrepublik Deutschland 2002
- ↑ Kommunalwahl am 6. Mai 2018 in Schleswig-Holstein: Endgültige Ergebnisse, Statistik Nord, s. 28
- ↑ Wählergemeinschaft Nordfriesland-Die Unabhängigen
- ↑ 11,0 11,1 Statistik: Nordfriesland, Bundesagentur für Arbeit
Krise: Ååstholstiinj | Dithmjarsche | Herzogtum Lauenborj | Nordfraschlönj | Pinnebärj | Plön | Rendsborj-Eckernförde | Segebärj | Slaswik-Flansborj | Steinborj | Stormarn
Krisfrie Stääse: Flansborj | Kil | Lübeck | Neumünster