Papiir

Papiir (faan latiinsk papyrus, an ualgreks πάπυρος pápyros‚ Papyrus) as en flaak materiool, diar faan plaantentriader maaget woort. Daalang woort fööraal holt üs ütjgungsmateriool nimen, man uk ualpapiir woort iinsaamelt an weder nei brükt (recycling). Bütj plaantentriader wurd oober uk noch flook ööder materioolen diar mad misket, iar det grünjmateriool drüget an preset woort.

Brük

Daalang snaaket'am faan amanbi 3.000 ünlik papiirslacher, diar tu sjauer sköölen iindiald wurd:

Graafisk papiir. För bleeden, tidjskraften an briafpapiir.
Paakpapiir. Tu iinpaakin woort miast grööw papiir nimen of uk sjoker papiir, det as pap.
Renskpapiir. Det as miast wok an woort brükt för sekreetpapiir of skrääpnöösuken.
Papiir för aparte apgoowen. Diar jaft at flook slacher för kofefilter, sigareten, jilskiiner an muar.

Papiir an pap

Di ferskeel tesken papiir an pap efter DIN 6730 as det mase per kwadrootmeeter:

Nööm	Mase
Papiir	7 g/m² bit 225 g/m²
Pap	muar üs 225 g/m²

Luke uk diar

Commonskategorii: Papiir – Saamlang faan bilen of filmer

Wikisource: Papiir (sjiisk)