Parallaks

Di Parallaks (fan ualgreeks παράλλαξις parállaxis „Foranering, hen en töbeek gung“) es di Winkel, hur'ling em eeđer en Objekt luket. Des foranert höm diareeđer, fan hur em tö dit Objekt staant.

Bi di Astronomii kumt et mal üp di rocht Parallaks ön, aurdat em diarme meet ken, hur fiir en Stiar fan di Öört wech es.

Bi di Fotografii snaket em fan Parallaksenfailen, wan dit Sjuk-Hol wat Üđers weeget üs dit Objektiiv achterön āpnemt. Des kumt fuaral bi iinfach Kompaktkameras sa üs uk bi TLR-Kameras fuar. Hat jeft man uk Sjuk-Höölern, wat di Parallaksenfail kompensiari of weegi ken.
(D)SLR-Kameras haa niin Parallaksenfail, aurdat em döör dit Objektiiv luket, wat uk dit Skelt āpnemt.

Jüst bi di Fotografii ken em me di Parallaks uk aarberi. Wan em en bet dial giar, da sjocht en Objekt aaftinoch en ben gurter of interesanter üt.

Meet-Instrumenti, hur et en bet muar üp önkumt jaa aaftinoch en Spail achter jaar Weeger, dat em likfuar, me di rocht Parallaks oflast, wat meeten uur.

Skeltern[Bewerke | Kweltekst bewerke]

Parallaksenfail: Di Weeger deekt ek di spailt Achtergrün, em staant sküüv diarfuar. Sa last em ombi 9,5, man fan em lik diarfuar wiar, da kām em üp 9,6 of nai bi des.
Parallaksenfail bi Kompaktkameras
Bi Sjuk-Höölern me Ljuchtraamen uur di Parallaksenfail weeget, dat em sin Kamera en bet üđers ütrocht ken.
Di Contax III rangefinder es uk fuar Makro taacht. Dat em diar uk āpnemt wat em sen heer, es boowen en Sjuk-Hol me Lensen önseet uuren, wat di Parallaksenfail kompensiaret.
Fuar dit Skelt fan des Bus es di Fotogrāf en bet dial üp Kneebiin, ombi 1,00 m Oogenhoogdi gingen ("Springporen-Perspektiiwi").
Des Skelt es me en Oogenhoogdi fan ombi 1,60 m āpnomen. Dit sjocht en bet "lungsomer" üt üs dit fan di Springporen-Perspektiiwi.