Spailreflex-Kamera

Söl'ring

Di Spail klapt hoog.

En Spailreflexkamera es en Aart fan Fotoapparaat en jert tö di Kameras.

Üp Engelsk jit des Single Lens Reflex Camera (SLR), en wan dit en Digitālkamera es, kumt en D diarfuar, da es dit en DSLR. Wan em en Zoom-Objektiiv me forstelbaar Brenfiirens heer, da ken em döör dit Sjuk-Hol keen, hur'ling dit Skelt "ütskiaren" uur. Wan di Kamera sa'n Knop heer, da ken em sagaar fuarof se, hur junk dit Skelt fan dit iinstelt Iipening uur of weđer di Achtergrün skarp uur.

Diaraur hen jeft et uk Spailreflexkameras me tau likaartig Linsen. Des jit da TLR (Two Lens Reflex).
Senerlig es ön en TLR, dat em ek me di salev Parallaks dit Motiiv döör dit Sjuk-Hol sjocht üs dit leeter āpnomen uur, aurdat dit Leecht döör en üđer Objektiiv en Spailen diar henreflektiaret uur.
Bi en TLR kür em uk ek se, wan di Brenfiirens foranert wiar, man diarfuar es di uk ek taacht. Em luket diar fan boowen iin.
Fuaral uur es Kameras iin ön Studios üp Statiiv iinseet, wan Skelter fuar di Pass of Köörforloof maaket uur skel. Diarfuar haa ja en kuurt Brenfiirens en let jam gur skarp iinstel.

Senerlig bi Portraits es en kuurt Brenfiirens gur. Da ken em di Mensk skarp fo en di Achtergrün let höm önskarp iinstel. Dit jit da en Bokeh, wat önskarp trinjom dit Gisicht es.

• 
  En TLR heer en Lens bluat fuar dit Sjuk-Hol. Dit meent, dat di Parallaks fan't Oog forskelig fan des es hur dit Skelt me maaket uur.
• 
  Forskelig Höölern fuar Oog en Objektiiv maaki en Parallaksenfail.

Hur'ling en (D)SLR aarbert

En döörskiaren DSLR

1

2

3

4

7

8

Em luket boowen iin (8), en dit Leecht kumt fan dit Objektiiv (1) aur di Spail (2) ein jit tau Spailen (7) tö dit Oog.

Wan en Skelt maaket uur, klapt di Spail (2) hoog en dit Leecht giar fan dit Objektiiv lik döör naa achtern tö di Sensor of Film (4). Numer 3 es di Forslüt.

Di Kast trinjom Numer 7 jit uk Pentaprisma, aurdat di 5 Huken heer.

TTL

Bi en Spailreflex me jen Lens luket en diar uk döör, wan em iin ön dit Sjuk-Hol luket.
Uk di Sensooren, hur di Kamera me "sjocht", hurfuul Leecht bütenfuar es of hur'ling di Autofokus skarp stel skel sen achter di Lens, dit Signaal fan dit Skelt mut diar döör.

Üp Engelsk jit des TTL (Through the lens). Me di TTL-Technik ken di Forskel me iinreeknet uur, wan em en üđer Objektiiv ön sin Kamera set of diar wat ön forstelt.

Dit Lait-Giraat heer en ain Reekenchip wat me di Reekner fan di SLR töhopaarbert.

Senerlig om Spailreflexkameras

Ük wan di Noom fan dit Sjuk-Hol kumt es dit ek aliining, wat fuaral om SLR en DSLR senerlig es.

Diar es bi di miist Modeli uk:

• Em ken forskelig Objektiivi önset.
• Em ken en senerlig Lait-Giraat önset of en Studio-Laitönlaag önstjüüri.
• Em ken frii me di Autofokus of me di Hun skarp stel.
• Em ken Blening en Tir frii iinstel
• Em ken di Blening, di ISO-Wert of di Tir iinstel en dit Üđer maaket di Automātik

Diarom ken em me di Spailreflex senerlig fuul maaki.

Luki uk jir

•  Commons: Spailreflexkameras – Saamling fan Skelter en Videos