Pingster

Tekst üüb Öömrang

Ütjschüüren faan a hilag geist
uun't Rabbula-Evangeliar (586)

Pingster (ualgreks πεντηκοστή ἡμέρα pentekostē hēméra ‚di föftagst dai‘) as en krastelk fest. Diar woort det ütjschüüren faan a hilag geist feiert. Hat as leewen di föftagst dai efter Puask, det ment di 49. dai efter Puasksöndai, an as sodenang uk leewen üüb en Söndai.

Uun't Nei Testament woort ferteld, dat di hilag geist auer Jiises sin mäfulgern kaam, üs jo tu det jüüdsk fest Schawuot (τὴν ἡμέραν τῆς πεντηκοστῆς ‚tu a föftagst dai‘) uun Jerusalem tuup kaam. Didiar dai woort üs gebursdai faan't Krastendoom uunsen.

Pingstsöndai

Pingstsöndaar
faan 2013 bit 2019

Juar	Latiinsk Sark
2013	19. Mei
2014	08. Jüüne
2015	24. Mei
2016	15. Mei
2017	04. Jüüne
2018	20. Mei
2019	09. Jüüne

 Det dootem faan a Pingstsöndai hinget faan a Puasksöndai uf. Jüst so üs a Juuden feire uk a Krasten Pingster sööwen weg efter puask.

 Sodenang as di Pingstsöndai leewen tesken a 10. Mei an a 13. Jüüne. Dat Pingster so ääder of so leed san, kaam oober sant di Gregoriaans kalender iinfeerd wurden as, iarst schauersis föör: Üüb a 10. Mei uun a juaren 1598, 1693, 1761 an 1818 (naist tooch: 2285). An üüb a 13. Jüüne uun a juaren 1666, 1734, 1886 an 1943 (naist tooch: 2038)

Luke uk diar

 Commonskategorii: Pingster – Saamlang faan bilen of filmer

Wikiquote: Pingster (sjiisk)

 Wikisource: Pingster  (sjiisk)