Sileo
 Söl'ring
|
| Sileo GmbH | |
|---|---|
| Rochtsforem | Selskep me biskeeten Boksen (Dütsk: GmbH) |
| Grünjliar | 2014 |
| Hüüsing | Salzgitter, Dütsklön |
| Fööringskontoor |
Christine Bozankaya |
| Aarberers | |
| Branche | Omnibusindustrii |
Sileo es en dütsk Omnibus firma wesen. Di Sileo GmbH jert tö di Bozankaya-Firmenker, hur bluat Batteriibusi becht waar. Di Firma seet ön Salzgitter-Watenstedt.
Sent 2020 es fan di Fabriik nönt muar aur. 2022 ging di Nat-Sir jit, man fan di Bus Modeli wiar niin Skelter tö se.
Ön di April fan 2022 waar uk des ofstelt.
Histoorie
[Bewerke | Kweltekst bewerke]Fan en Konstruktsjoonskontoor tö di Sileo GmbH
[Bewerke | Kweltekst bewerke]
Di Sileo GmbH waar ön't Jaar 2014 grünjlair. Al 1989 her Murat Bozankaya en Injenjöörkontoor ön Wolfenbüttel (Bozankaya Business Consultant & Commerce (BBC & C)) bigent. 1997 kām uk ön Wolfenbüttel di Bozankaya Metall & Kunststoff GmbH bitöt leeterhen toog em om naa Salzgitter.
Me di Jaaren waar fan dit Konstruktsjoonskontoor Bozankaya en Systeem-Töstjüürer fuar Faartjüchfabriken.
2010 kür em ön Ankara (Türkei) di Turkish Commercial Vehicles (TCV) grünjlii, en diarme kür em salev Busi bech. 2012 kām en Diesel-Statbus üt, en fan des Konstruktsjoon waar uk di Sileo maaket. Diarfuar wiar men jit en Firma, di Sileo GmbH nöörig, aurdat em en Āpleersysteem, dit Single-Cell-Loading-Batteriesystem (SCL) bech wil. Di Sileo GmbH es fan 2014.
Di 27. August 2017 bruan Produktsjoonshali en Forwaltingsbechnig hiilendal of.[1]
Miilstiiner
[Bewerke | Kweltekst bewerke]Di jest Bus-Bisteling kām ön di Juuli fan 2015 iin, en dit wiar fuar di SWB Bus und Bahn fan Bonn. Diar waar soks Sileo S12 bistelt.[2]
2016 kür Sileo di jest Bateriibusi fuar Thüringen en Sleeswig-Holstiin bring.[3][4] Di gurtest Bisteling kām fan di Aachener Straßenbahn und Energieversorgungs-AG (ASEAG). Diar skul twesken 2016 en 2018 14 Tauwain-Busi S18 en jen Triiwain-Bus S25 hen. Di jest Bus kām tö Bigening fan 2017 ön Gang.
Taust Generatsjoon
[Bewerke | Kweltekst bewerke]Bi di Busworld 2017 kür Sileo sin taust Busgeneratioon weegi. Öner di Flag „Meet the future – Die Zukunft beginnt schon heute“ waar nii Modeli me nii Karoseriien weeget, wat uk fiiđer köör ken üs di ialer Busi. Di Modeli S10, S12 und S18 wiar al bikeent, di S 25 kām nii diartö.[5][6].
Di jest Elektrobus fan Sileo kām 2019 wech, en diarfuar waar en nii jen iinseet.
-
Di nii Sileo S12 fan di SVG ön Weesterlön. -
Üp Söl heer ark Bus en Draier fuar Weelen me langs. -
Di nii Sileo S12 fan di SVG ön Weesterlön heer di Numer fan di Jest aurnomen. -
Di Weelendraier fuar di Busi üp Söl uur fan en Firma Harbeck becht. -
Di nii Sileo en en E-Citaro ön Weesterlön.
Elektrobusi üp Söl
[Bewerke | Kweltekst bewerke]Di SVG heer al di taust Sileo S12, en ön di Marts 2020 kür uk Mercedes-Benz en Elektrobus tö Proof stjüür, di E-Citaro.
Di SVG wel hol uk 18-Meeter-Busi me Elektromaskiin haa.
2022 waar bikeent, dat 12 MAN Lion's City E kum skel.
Produktsjoon
[Bewerke | Kweltekst bewerke]Sileo fing di Rohkaroseriien fan TCV üt di Türkei. Ön Salzgitter kām da Aksen, Öndreft, Bateriien Seetplaatsen en di hiili Kraam ütstafiaret. Des wiar muar üs 50 % fan dit Wertwening, en diarön jeet Sileo en dütsk Busfabrik.
Modeli
[Bewerke | Kweltekst bewerke]Sileo S10
[Bewerke | Kweltekst bewerke]Di Sileo S10 es en batteriielektrisk 10,7-Meeter-Solobus.
Sileo S12
[Bewerke | Kweltekst bewerke]Di Sileo S12 es en batteriielektrisk 12-Meeter-Solobus.
Sileo S18
[Bewerke | Kweltekst bewerke]Di Sileo S18 es en batteriielektrisk 18-Meeter-Tauwain-Bus.
Sileo S25
[Bewerke | Kweltekst bewerke]Di Sileo S25 es en batteriielektrisk 25-Meeter-Triiwain-Bus.
Weblinks
[Bewerke | Kweltekst bewerke]Einzelnachweise
[Bewerke | Kweltekst bewerke]- ↑ Großbrand zerstört Elektrobus-Werk von Sileo. electrive.net, 27. August 2017, ufrepen de 29. August 2017.
- ↑ Bonn bestellt Bozankaya Sileo. Omnibusspiegel.de, 24. Jüüle 2015, ufrepen de 29. Oktuuber 2015.
- ↑ Elektrobusse für Salza Tours König. omnibus.news, 20. Jüüne 2016, ufrepen de 16. Nofember 2016.
- ↑ https://web.archive.org/web/20161114105800/http://www.svg-busreisen.de/die-svg/neuigkeiten/elektrobus/
- ↑ Der neue Sileo. omnibus.news, 19. Oktuuber 2017, ufrepen de 13. Nofember 2017.
- ↑ Sileo GmbH. linkedin, ufrepen de 13. Nofember 2017.
