Sjiisk Bundesdai

Faan Wikipedia
Zur Navigation springen Zur Suche springen
Amrum.pngTekst üüb Öömrang


A Bundesdai sat uun a ual Reichstag uun Berlin

A Sjiisk Bundesdai as det parlament faan Sjiisklun. Hi woort direkt faan't fulk weelet. A Bundesdai weelet at regiarang. Diar wurd a gesetsen maaget.

Wool[Bewerke | Kweltekst bewerke]

Pers.Ver.Wahl.v4.svg


A Sjiisken weele mä tau stemen:

  • Mä det iarst stem woort en kandidoot ütj di aanj woolkreis weelet. Hoker a miast stemen feit, sat seeker uun a Bundesdai. At jaft 299 woolkreiser (Stant:2021), an so sat diar 299 direkt weelet politikern.
  • Mä det naist stem woort en partei weelet, an jo ööder 299 mandaaten wurd diarefter ferdiald, hüföl prosenten det enkelt partei uffüngen hää.
  • Nü komt det oober flooksis föör, dat en partei muar iarst stemen füngen hää, üs ham efter a naist stemen eegentelk tustun. Jodiar auerhingin mandaaten wurd do weder ütjglikt mä ütjgliksmandaaten. Diaram sat diar muar üs 598 politikern uun't parlament; efter't Bundesdaiswool 2021 san't 735.
  • Normoolerwiis skal arke partei tumanst 5% faan a stemen uffu, am iin uun't parlament tu kemen. Ian ütjnoom as a SSW, auer hi en manertaalpartei as. En ööder ütjnoom as en partei, diar tumanst trii direkt mandaaten wonen hää.

Luke uk diar[Bewerke | Kweltekst bewerke]

Commons Commonskategorii: Sjiisk Bundesdai – Saamlang faan bilen of filmer