Streetscooter

Faan Wikipedia
Söl'ring


Streetscooter GmbH

Logo
Logo
Rochtsforem Selskep me biskeeten Boksen (Dütsk: GmbH)
Grünjliar 2010
Hüüsing Aachen, Dütsklön'Dütsklön' Dütsklön'
Fööringskontoor

Achim Kampker

Aarberers

ombi 500 (Meren fan 2018)

Branche Autoindustrii
Weelenindustrii
Weebsir www.streetscooter.eu

Di Streetscooter Work üs Pakeetwain fan DHL (2017)

Di Streetscooter GmbH (Ain Skriifwiis StreetScooter)[1] ön Aachen becht Elektroautos me Bateriien. Sent hok Jaaren es dit en Daachterfirma fan di Dütsk Post. Uk elektrisk Lastenweelen uur bi Streetscooter becht.

2020 waar bikeent, dat di Post diarme weđer āphual wel.

Histoorie fan di Firma[Bewerke | Kweltekst bewerke]

Di Prototyp C16 fan't Jaar 2014[2]

Ön di Juuni fan 2010 heer Achim Kampker töhop me Günter Schuh di Firma üs en Forskingsprojekt fan di RWTH[3] Aachen bigent. Töhop me 80 üđer Firmen skul en Elektroauto fuar kuurt Waien üttaacht uur. Des Wain skul fuar 5.000 € plus Baterii (-hüür) önberen uur.[4]

Diarfan waar man en ain Firma. Ön di Mai fan 2011 waar dit Concept Zeitgeist fuar't jest Lop weeget, ön di Hārefst kām di jest Streetscooter Compact ön di Internationale Automobil-Ausstellung (IAA) ön Frankfurt tö se. Achterön kām di Minilaster Work.

2012 heer Kampker di Foriining Netzwerk für bezahlbare und nachhaltige Elektromobilität grünjlair en waar Fuarseeter diarfan.

Bi di RWTH Aachen waar me en Multimateriaal-3D-Prenter fan Stratasys en Elektroauto-Prototyp becht, en des waareti ek leenger üs jen Jaar. Des Auto wiar di Streetscooter C16, diar ön di 25. Oktoober fan 2014 ön di EuroMold weeget uur kür.[5]
2014 waar uk 200 Stek fan di Minilaster Streetscooter Work becht, hurfan di Post 70 aurnoom. - Em wil di "Work" 2015 fuar 20.000 € forkoopi.[6]

Ön di Detsembermuun koopeti di Dütsk Post di Firma, wat diarfan en Daachterfirme fan di Post waar.[7] Di Post her fuarof forsaacht en fo Elektroautos fuar jaar Pakeetböören tö fo, en dit kür of wil nemen önber.[8]

Ön di Aprilmuun fan 2016 waar di Streetscooter Work üs Seerie bigent, en dit Jaar skul al 2.000 Autos becht uur.[9] Em kür da bit tö't Jen fan 2016 1.906 Autos üp Straat fo.
En Meföligster fan di Post-Fuarstant, Jürgen Gerdes sair, dat em di 70.000 Autos bi di Post wechkum en diarfuar Elektroautos laap skel. Fan 2017 ön skul al 10.000 Autos ön't Jaar becht uur.[10] Ön di Septembermuun fan 2017 her em al Kapatsiteet fuar 15.000 Autos ön't Jaar törocht.[11]

Bi di IAA 2016 kür di gurter Pakeetwain "Work L" weeget uur.

Ön di Aprilmuun 2017 sair di Post, dat jü en taust Fabrik fuar di Streetscooters haa wil. Tö des Tir waar uk bikeent, dat di Post dit Auto ek bluat fuar höörsalev bech wil. Uk Komuunen en Firmen skul dit nü önböören uur.

Di Fesk-Gurthaneler Deutsche See wil 2017 80 Streetscooters, ark me en Köölkast fuar 680 Kilo Fesk koopi.

Fan Juuli 2017 ön skul di Produktsjoon fan di "Work XL" önlaap, en Wain me 20 Kubikmeetern Leervoluumen, wat töhop me Ford becht uur skel.[12]

Sent Mai 2018 uur uk ön Düren Streetscooters becht. Diarme töhop ken em 20.000 Autos ön't Jaar bech, ark Dai 46 Stek.

Ön di Oktoober fan 2021 waar di Firma tö Odin Automotive forkooopet. Des es en Firma fan Stefan Krause, diar al Fuarseter fan't Marketing bi BMW wesen es.

Modeli[Bewerke | Kweltekst bewerke]

Autos[Bewerke | Kweltekst bewerke]

Work[Bewerke | Kweltekst bewerke]

Streetscooter Work üs Leerwain (2017)
Iin ön di Kast fan en Pakeetwain luket

Bi di Streetscooter sen fi Fuarderweelen öndrewen, en dit heer en elektrohydraulisk Serostjüüring..[13] Di Hoogdi fan di Leerplati waar sa ütsaacht, dat dit gur fuar di Rech fan di Mensk es. Diartö kumt, dat di aur di Weelen hengiar, sa dat di fan jen Sir tö di Üđer gleer es. Wan en Kast diarön es, da ken em diar fan trii Siren bi kum. Rochts fan di Köörerseet ken soowen Breev-Transportkasten henstelt uur.

Di Karoserii es fan Könststof maaket.

Work L[Bewerke | Kweltekst bewerke]

Streetscooter Work L (Di Kast es hooger en leenger)

Bi di Streetscooter Work L ken em ombi 30 % muar Wecht mefo, en em heer binai debelt sa fuul Plaats diarfuar.

Work XL[Bewerke | Kweltekst bewerke]

Di 16. August 2017 waar di Varianti Modell XL weeget, wat üp Bāsis fan di Ford Transit becht uur en ombi 20 Kubikmetern Plaats heer.[14]

Transporträder[Bewerke | Kweltekst bewerke]

Work Bike[Bewerke | Kweltekst bewerke]

Dit Work Bike es en Transportweel fuar Post, wat di Postböör elektrisk helpt (Bit 25 km/h sa üs bi't Sküüwen bit 6 km/h). Di Akku heer 36-[[Volt|V] en 480 Wh Kapatsiteet, dit leengt fuar ombi 35 km. Di Mootor set ön't Achterweel. Em ken me dit Work Bike bit tö 50 kg Post āpleer.

Work Trike[Bewerke | Kweltekst bewerke]

Dit Triiweel ken 90 kg me langs fo. Tau Motooren ön di Achterweelen help bit 25 km/h en bit Sküüwen bit 6 km/h. Di Akku heer 36 V / 480 Wh en skel 30 km skafi.

Technisk Daaten[Bewerke | Kweltekst bewerke]

Autos Transportweelen
Produkt Work (20 kWh)[13] Work (40 kWh)[15] Work L (40 kWh)[16] Work XL2 Work Bike[17] Work Trike[18]
Modell Box Pickup Pure Box Pickup Pure Box Pickup Pure Box
Motor 1 × Synchroonmootor Synchronmotor 1 × Elektromootor GO SwissDrive 2 × Elektromootor GO SwissDrive
Maskiinenkraft 0048 kW (38 kW Dauerkraft) bit 150 kW
Öndreft Fuarn Achtern
Wecht lerig 1460 kg 1280 kg 1595 kg 1415 kg 1695 kg 1705 kg 1465 kg 2900 kg 0058 kg 0085 kg
Töleten Wecht 2180 kg 2600 kg 4250 kg 0210 kg 0280 kg
Töleering 0720 kg 0900 kg 0585 kg 0765 kg 0905 kg 0895 kg 1135 kg 1350 kg 0050 kg 0090 kg
Leervoluumen 0004,3 m³ – – 0004,3 m³ – – 0008 m³ – – 0020 m³
Lithium-Ionen-Akkumulator 0020 kWh 0040 kWh 0040 kWh 30–90 kWh 0480 Wh 2 × 480 Wh
Laapwai (NEFZ) 0113 km1 0113 km 0232 km 0205 km 80–200 km 0035 km 0030 km
Gauhair max. 0085 km/h 0025 km/h
1 etwa 80 km bi DHL
2 di Work XL uur tö Tir bluat fuar di Deutsche Post becht

Hat giar jit fiiđer[Bewerke | Kweltekst bewerke]

2017 waar fif Autos me Partiikelfilter fuar fiin Stof fuarstelt Mann+Hummel, wat di Stof fan Gumimenteln en Bremsen töbeekhual skel.[19]

2018 skel 500 Transporter me Brenstofselen bechten ütprobiaret uur.[20]

Weblinks[Bewerke | Kweltekst bewerke]

Commons Commons: Streetscooter – Saamlang faan bilen of filmer

Einzelnachweise[Bewerke | Kweltekst bewerke]

  1. ↑ Impressum – StreetScooter GmbH. Uun: streetscooter.eu. StreetScooter GmbH, ufrepen de 1. Jüüne 2018.
  2. ↑ AUTO BILD: E-Autos deutscher Hochschulen gehen in Serie. Uun: presseportal.de. news aktuell GmbH, 23. Oktuuber 2014, ufrepen de 1. Jüüne 2018.
  3. ↑ RWTH = Rheinisch-Westfälische Technische Hochschule
  4. ↑ Elektromobilität: "Das Auto kostet nur 5000 Euro". In: ZEIT ONLINE. (zeit.de [abgerufen am 20. September 2018]).
  5. ↑ StreetScooter C16 mit Multimaterial-3D-Drucker hergestellt. Uun: springerprofessional.de. Springer Fachmedien Wiesbaden GmbH, 21. Nofember 2014, ufrepen de 1. Jüüne 2018.
  6. ↑ StreetScooter baut jetzt E-Autos für DHL › HZwei-Blog. In: HZwei-Blog. 21. Janewoore 2015 (hzwei.info [abgerufen am 25. September 2018]).
  7. ↑ Deutsche Post DHL übernimmt StreetScooter GmbH. Uun: dpdhl.com. Deutsche Post AG, 9. Deetsember 2014, ufrepen de 1. Jüüne 2018.
  8. ↑ Frank Dohmen: Gelber Weckruf. In: Der Spiegel. Nr. 33/2016, 13. August 2016, S. 58 ff.
  9. ↑ Die Deutsche Post baut bald eigene Elektroautos wired.de vom 4. April 2016
  10. ↑ Der tausendste Elektro-Transporter der Post. In: FAZ.net, 23. August 2016.
  11. ↑ Post will Streetscooter wohl auch in Düren bauen. RP Online, ufrepen de 14. September 2017.
  12. ↑ Mit dem E-Transporter Work XL wird die Post zum E-Mobility-Vorreiter. wired.de, 17. August 2017.
  13. ↑ 13,0 13,1 StreetScooter Work 20 kWh. Uun: streetscooter.eu. StreetScooter GmbH, ufrepen de 29. Mei 2018.
  14. ↑ Wolfgang Kempkens: Die Post baut ihre Elektrotransporter lieber selbst. Uun: ingenieur.de. VDI Verlag GmbH, 17. August 2017, ufrepen de 5. Janewoore 2018.
  15. ↑ StreetScooter Work 40 kWh. Uun: streetscooter.eu. StreetScooter GmbH, ufrepen de 29. Mei 2018.
  16. ↑ StreetScooter Work L 40 kWh. Uun: streetscooter.eu. StreetScooter GmbH, ufrepen de 29. Mei 2018.
  17. ↑ StreetScooter Work Bike. Uun: streetscooter.eu. StreetScooter GmbH, ufrepen de 29. Mei 2018.
  18. ↑ StreetScooter Work Trike. Uun: streetscooter.eu. StreetScooter GmbH, ufrepen de 29. Mei 2018.
  19. ↑ Deutsche Post DHL Group, StreetScooter und MANN+HUMMEL präsentieren das weltweit erste völlig emissionsneutrale Fahrzeug. Uun: dpdhl.com. Deutsche Post AG, 19. Deetsember 2017, ufrepen de 4. Jüüne 2018.
  20. ↑ Wenn die Milch mit dem Postwagen kommt. Uun: tagesschau.de. Norddeutscher Rundfunk, 6. Jüüne 2018, ufrepen de 12. Jüüne 2018.


Koordinaaten: 50° 47′ 6,7″ N, 6° 6′ 31,3″ O

Faan „https://frr.wikipedia.org/w/index.php?title=Streetscooter&oldid=249283“