BMW

Faan Wikipedia
Söl'ring


Bayerische Motorenwerke AG

Logo
Logo
Rochtsforem Aktienselskep
Grünjliar 7. Marts 1916
Hüüsing München
Dütsklön'Dütsklön' Dütsklön'
Fööringskontoor
  • Oliver Zipse, Fuarstantsfuarseeter
    Klaus Fröhlich (Manager)
    Ilka Horstmeier
    Milan Nedeljkovic
    Pieter Nota
    Nicolas Peter
    Andreas Wendt (Manager)
  • Norbert Reithofer, Fuarseeter fan di Selskepsreer
Aarberers

133.778

Jil / Jaar 104,2 Mrd. € (2019)
Branche Autoindustrii
Weebsir www.bmwgroup.com

Luftbild des Münchner BMW-Areals mit BMW Welt, BMW Museum, „Vierzylinder-Hochhaus“ (Konzernzentrale) und Werkshallen (März 2014).
„Vierzylinder“ – Eingangsbereich der BMW-Zentrale
Mit dem BMW IIIa Flugmotor, 1917 von Max Friz entwickelt, wurde die Basis des BMW-Renommees gelegt.
Stilistisches Merkmal der Pkw von BMW sind die Doppel-Nieren des Kühlergrills
Der BMW
Die BMW

Di BMW AG es en Autofabrik ön Bayern. Jü heer masi litjer Firmen aurnomen, en sa snaket em deling uk hol fan di "BMW Group".

Histoorie[Bewerke | Kweltekst bewerke]

BMW es fan en Maskiinenfirma uuren, wat Motooren fuar Luchtskeepen becht. Di jest gurter Aarber wiar Motooren fuar Fliigern, wat ön senerlig Flochthoogden jit laap kür. Dit Teeken fan BMW es diaraur uk en draiendi Propeler.

Eeđer di jest Wārelkrich maast ön Dütsklön niin Fliigermotooren becht uur, en sa kām em bal diarüp en bech Autos en Motoorweelen.

Ön di taust Wārelkrich kām en Motoorweel me öndrewen Biwain fan BMW, en des kür di Wehrmacht gur brük.

Eeđer di taust Krich wiar dit Motoorweel (Me jen Kolben sa üs di BMW R 25) gönstiger tö haa üs en Auto, en sa wiar maning Mensken diarme önerwai. Leeter kām Kabiinenrulern sa üs di BMW Isetta üs Forbeetering diartö, en me di BMW 501 her em uk en gurt Wain, wat et üs 502 uk me 2,6-Liiter-V8-Motoor jaav.
Fuar di Gap twesken litj en gurt kām tö di 60er Jaaren di BMW 700 en di "Nii Klas", di BMW 1500, hur leeterhen di BMW "02" naa önern en di BMW 5er Reeg naa boowen waar.
BMW wil en "Preemiumfirma" wiis, en sa maast en 6-Kolben-Maskiin ek waani. des kām 1968 me di BMW 2500.
Fan des Reeg waar ombi 1977 di BMW 7er-Reeg, wat üs jest ön Dütsklön Bremsen fing, wat ek blokiari (ABS)

Di Motoorweelen sen fuaral ön di 60er en 70er Jaaren bikeent wesen, üs me di BMW /5 bit /7 nii Tau-Kolben-Boxer-Motooren becht waar, hur em uk üp leengeri Waien gur me önerwai wiis kür.
Me di BMW R100RS (en /7) waar 1976 dit jest Motoorweel me fol Fuarkluađing fuarstelt.

Elektrowainer[Bewerke | Kweltekst bewerke]

Al leenger waar forsaacht, di ual Kolbenmaskiin me Weeterstof aur di Tir tö fo. Diarfuar heer em lung me di BMW 7er-Reeg experimentiaret. Tö en Tökumst kām des Aarberen man ek.

Me di BMW i3 waar dit jest Elektroauto üttaacht, en diarfuar waar uk en senerlig Fabrik becht, wat höör Stroom fuar't Miist salev maaket. Di I3 jeft et uk me Range Extender, en Bensiinmotoor, wat di Baterii leer ken, wan di Stroom ek leengt.

Muar wat fuar "Preemium" of "Sport" es di BMW i8. Des ken ek fuul muar üs waker ombi laap, kostet fuul Jil, en diarom raaket em diarfan uk el olterfuul Wainer.



Futnooten[Bewerke | Kweltekst bewerke]