Sylt (Föriskep, 1927)

Söl'ring

M/F Sylt

Di Sylt üp Wai (Ombi 1970) Di Sylt üp Wai (Ombi 1970)

p1 Skepsdaaten Flag Deenemark Deenemark (1959-1976) Skepstyp RoRo-Föriskep Rööpteeken OXQT (Dit Leest, ön Panama) Heimathaawen Havneby (1966 - 76) Jert tö Rømø-Sylt-Færgeri A/S (66-76) Werew "Deschimag"- Werk Joh. C. Tecklenborg AG Bremerhaven Becht öner Numer 422 Fan di Staapel löpen 01. Juuni 1927 Üs SS Oldenburg Ofblewen Dashti & Abal Transportation Co.(Kuwait) WLL, Panama Omdöpt üp EL-HAM Üt Register streeken 1991

Maaten en Manskep Leengdi 52,23 m (hiilendal) Breetji 9,54 m Diipgung max. 3,70 m Formeeting 508 BRT me Dampmaskiin 646 BRT me Dieselmaskiin

Maskiin Maskiin Tecklenborg Dampmaskiin (1927 -1959) 2 MAK Skepsdiesel Maskiinenkraft 1080 PS (Ombi 750 kW) sent 1959 Gauest Faart 10 kn (18.5 km/h) Skrüüw(en) 2 Propelers jen fuarn, jen achtern (Dopeljen?)

Kapatsiteet Ken drai (Tenen) 370 tdw Pasajiiri 250 Autos 28 Pkw

Üđers wat Registernumer IMO 5183285

Di Sylt wiar di jest Ro-Ro-Föri, diar ön di Föriskepslinie Röm-Söl' faarti.
Jü waar ön't Jaar 1966 fan di Rømø-Sylt-Færgeri A/S, diar en Diil fan di Lindinger Reederii Holding A/S ön Rødovre, Deenemark wiar, koopet.

Histoorii

Di jest 28 Jaaren - Fan di Weser aur Hamborig naa di deensk Uastsee

Muar Gasten, di Krich, en diareeđer

Dit Skep waar 1927 ön Bremen üs Dampskep "SS Oldenburg" becht en fuar di Weserfähre GmbH, Oldenburg ön di Föriskepslinie Bremerhaven-Blexen iinset. Dit jest Ombechning wiar al 1935, aurdat aliweegen muar Pasajiiri kām.
Ön di 18. September 1944 waar di Oldenburg fan Brandbomben raaket en bruan üt. Ek jerer üs ön di Februwaari 1946 kür jü weđer faar, man diar wiar ek inoch Köölen. Dit Skep lair bit hentö di Juuli 1946 üp Stair.

Hamborig

Eeđer 31 Jaaren waar di SS Oldenburg 1958 naa Hamborig (Sund-Reederii) forkoopet. Di nii Reederii braacht dit Skep hentö di Sietas-Werev (Tö des Tir Wilhelm Holst) hur dit üp Dieselmaskiinen ombecht waar (Da wiar jü di MS Oldenburg uuren).
1959 waar di Föri naa Deenemark forchartert, hentö di (Scandinavian Transit Line), Kastrup, wat twesken Kastrup en Malmø en Föriskepslinie her. Di Föri waar üp di Noom "Kastrup" omdöpt. Ön di 8. August 1959 waar dit Skep naa Kastrup omregistiaret en fan di 21. ön üp Wai stjüürt.

Ön makelk Deenemark

Ön di 1. Januwaari 1960 heer di Kastruper Reederii di wesen "Oldenburg" da koopet.
Eeđer knap trii Jaaren waar di "MS Kastrup" ön di 29.12.1962 hentö di "Interessenskabet" fan Høng ön Deenemark forkoopet. Fan di 7. Januwaari 1964 bit Juuni 1964 ön faarti jü twesken Kastrup en Trælleborg.
Ön di Januwaari fan 1965 waar di Föri jit jens forchartert. Di G-H Linjen ön Höganäs her höör bit hentö di 26. Juuli ön di Gang. Jü faarti twesken Höganäs - Gilleleje.
Sa giar dit jaa ek aliweegen förter. "Üüs" Foranering bigent ön di 27. Juuli fan't Jaar 1965.

Lindinger Færgeri A/S, di MS Sylt

Di Reederii Lindinger her 1963 me en Föriskepslinie twesken Röm en Söl' bigent. Bal' waar da klaar, dat di Pasajiirföriskeepen ek leengti, en uk di MS Anø, en ual Diirter-Transportskep maaketi Fortröt, aurdat di Autos fan di Bakbuurd-Sir āpköör skul.
En RoRo-Skep skul da hol koopet uur, man eeđer knap 15 Muunen her di Linie jaa jit ek olterfuul Jil fortiinet.
Da kür di MS Kastrup üs en 38 Jaaren ual Skep me Maskiinen fan bluat 6 Jaaren jüst sa pasi.

Di Föri waar bi di Helsingør Skibsværft ön Helsingør döörluket en āplair (September 1965).
Ön di November 1966 waar jü fan di Lindinger Holding A/S ön Rødovre, Deenemark koopet, üp höör nii Noom "Sylt" omdöpt en fan di 25. November ön wiar jü bal tiin Jaaren twesken Röm en Söl' önerwai.
1972 waar di Föri jit jens ombecht en modernisiaret.

Gur Raisi, MS Sylt!

Ön di Juuli 1976 waar di "Sylt" naa Panama forkoopet. Diar wiar jü jit 15 Jaaren ön di Gang, en 1991 waar jü me 64 Jaaren üt dit Register streeken.

Futnooten

<references>