Teesside
 Tekst üüb Öömrang
|
Teesside as en metropolregiuun uun Nuurd Uast Ingelun bi a struum Tees mä a stääden Middlesbrough, Stockton-on-Tees, Redcar an Billingham. Diar wene gud 375.000 minsken. Teesside wiar uk ans en county borough, as daalang oober tu enkelt unitary authorities apdiald.
Teesside wiar uun't 20. juarhunert en swaarponkt faan't iisen, stial an chemii industrii, an bekäänd för sin fül amwelt. Detdiar swaarindustrii hää daalang nian grat bedüüdang muar, an so ferlus flook minsken uun Teesside hör werk, an aaremmud kaam ap.
Sant 2013 drei föör't küst faan Teesside 27 winjstruumuunlaagen uun en winjpark, an fersurge det regiuun mä struum.
Luke uk diar[Bewerke | Kweltekst bewerke]
Commonskategorii: Teesside – Saamlang faan bilen of filmerKoordinaaten: 54° 36′ N, 1° 11′ W