Warnowstromer

Söl'ring

Warnowstromer

p1 Skepsdaaten Flag Dütsklön' Dütsklön' Skepstyp Elektroföri Rööpteeken DG4727 Heimathaawen Rostock Reederii Rostocker Straßenbahn AG Werew Ostseestaal/Ampereship, Stralsund Ön Faart braacht Storemmuun 2021

Maaten en Manskep Leengdi 21 m (hiilendal) Breetji 6,7 m Diipgung max. 1,05 m   Manskep 1

Maskiin Maskiin 2 × Elektromaskiin Maskiinenkraft 2 x 45 kW Tiinst- faart 4,0 kn (7.4 km/h) Gauest Faart 7,5 kn (13.9 km/h) Skrüüw(en) 2 × Röđerpropeler

Kapatsiteet Akkukapatsiteet Nii 230, sent Marts 2023 306,8 kWh Solārönlaag 10.800 Wp Pasajiiri 80 Weelen 14

Üđers wat Registernumer ENI 04814020

Muar Wai/Liinie Kabutzenhof (Rostock) – Landreiterstraße (Gehlsdorf)

Di Warnowstromer es en Katamarān-Elektroföri wat twert aur di Warnow ön Rostock faart.

Jü lapt fuar di Rostocker Straßenbahn AG, wat uk Elektrobusi en di Straatenbaan ön Gang halt.

Di Warnowstromer waar ön di Oktoober fan 2021 ön Gang braacht.

Di Liinie es mung Kabutzenhof bi di Uasterkant fan di Stathaawen ön Rostock (Kröpeliner-Tor-Vorstadt) en di Landreiterstraße ön Gehlsdorf.

Technik

Dit Skep waar fan Ampereship becht, en Firma, wat di Ostseestaal ütgrünjet heer, dat des Elektroskeepen becht. Des Firma set ön Stralsund.

Fuar fasttömaaki heer dit Skep Magneet-Fendern, wat me en litj Stroomslach weđer friikum.

Dit Skep heer tau Röđerpropelern, ark me en Maskiin fan 45 kW. Di Baterii heer en Kapatsiteet fan 230 kWh. Ön di Uursmuun fan 2023 sen 76,8 kWh diartö kemen, nü sen dit 306,8 kWh. Üp Taak set en Photovoltāik-Önlaag me 10,8 kWp fan 36 Stek 300 W-Moduuli.

Di Warnowstromer es 21 m lüng, 6,70 m breer en giar 1,05 m diip. Jü lapt aur di Dai me 7,5 km/h, man jü ken uk me 14 km/h faar. Di Föri heer Plaats fuar 80 Mensken en 15 Weelen.

Di Föri heer 1,7 Mio. Euro kostet, die nii Löningsbröchen ombi 2,2 Mio.

Persoonenkilomeeter

Di Warnowstromer ber 80 Persoonenkilomeetern. Hur fiir jü me höör Akku fan 306,8 kWh kumt, es man ek bikeent.

Di Kategorii fan Föri es mit nai bi des wat ön Kiel ön di F2 lapt, di Düsternbrook en di Wellingdorf. Des gung man bal debelt sa diip, en ja sen uk ek me Röđerpropelern üp Wai.

Wan jen Wai bluat 500 Meetern es en di Föri ön en Takt fan en hualev Stün faart, da sen dit bluat 2 km ön di Stün.

Eeđer di Biskiiren fan di Selskep skel di Warnowstromer ön't Jaar ombi 36.000 Liitern Diesel of 95 Tenen CO2 spaari.
Dit kür da meen, dat ombi 120.000 kWh ön't Jaar nöörig sen. Di nii Föri lapt man uk tö jen Löningsbröch mener üs dit Dieselskep, en dit es da fuul mener Wai.

Fan di üđer Sir sjocht em man, dat di Wai nü kuurt uuren es. Wan em 500 m me en Takt fan 30 Minüten faar wel, da sen dit bluat 2 km of 1,08 sm ön di Stün.
Bi en Takt fan 20 Minüten sen dit uk bluat 3 km of 1,62 sm.

Mesken kumt jens Swaar fan di Straatenbaanselskep.

Foranering fan di Plaan

Di 5st fan di Jöölmuun waar di Plaan foranert, dat di Föri di hiili Dai ön en Takt fan 30 Minüten faart. Fuarof waar tö Pen'eltiren uk aafter faart.

Sa kumt em üp 58 Faarten, wan dit Klok soks bigent ent di leest Faart injems tiin aur aacht es.

Dit jit, dat di Föri

$58F*500m=29.000m=29km$ lapt

Wan di Akku diarfuar leengt, da meent dit

$230kWh/29km=7,93kWh/km$

Dit leengti ek. 2023 waar 76,8 kWh töbecht.

$306,8kWh/29km=10,58kWh/km$

Di PV üp Taak dēr uk en bet Energii diartö. Mesken kumt em üp 15 kWh fuar en Kilomeeter. Fan di Antonia vom Kamp es bikeent, dat jü me 10 kWh fuar en Stün henkumt. Di gurter Warnowstromer kür uk 20 of 25 kWh nöörig haa.

Em kür diar saacht 11 kWh fuar en Kilomeeter tö sii, aurdat altert en bet wat ek sa seeker es.
Fuar 80 Mensken sen dit da 137,5 Wattstünen/Kilomeeter, en wan em fan 25 % Last ütgiar (Altert ombi 20 Mensken ön Buurt), da kumt em üp 550 Wh fuar ark Pasajiir en Kilomeeter.

Mesken kum ja me di Āpleer-Tir ek hen, wan di PV ön di Wunter ek help ken.
Bi 25 kWh Leerkraft hurfan ombi 90 % iin ön di Baterii gung uur di Tir knap, wan injems hualev niigen Heliginj es en di Föri miarnem Klok soks weđer me aur 300 kWh ön Buurt faar skel.

Registriaring

Di Warnowstromer heer di ENI 04814020 en di MMSI-Nr.: 211825200

En bet wat trinjombi

Di Firma Ostseestaal heer uk di Bodenseeschiffahrt (BSB) holpen en bech höör jest Elektroskep. Dit wiar en Projekt "Artemis" en waar ön di 17. Juuli 2022 üs Insel Mainau dööpt.

Ön Stralsund sen al hok Elektroskeepen, wat uk aur naa Rügen faar.

Mal litj es di Antonia vom Kamp ütfeelen, wat Weelen en Mensken naa Usedom faart. Des nem dach aartig wat mener Plaats en Energii üs Autos.

Luki uk jir

• Di RSAG aur dit nii Föriskep
• Wikidata