Wellingdorf (Skep)

Söl'ring

Wellingdorf

p1 Skepsdaaten Flag Dütsklön' Dütsklön' Skepstyp Elektroföri Heimathaawen Kiel Reederii SFK Kiel Werew Holland Shipyards, Hardinxveld-Giessendam Ön Faart braacht 22. Bārichtmuun 2022

Maaten en Manskep Leengdi 24,70 m (hiilendal) Breetji 7,20 m Diipgung max. 1,90 m   Manskep 1

Maskiin Maskiin 2 × Elektromaskiin 1 Bugstraalröđer Maskiinenkraft 2 x 86 kW, Bugstraal 40 kW Tiinst- faart 8,5 kn (15.7 km/h) Gauest Faart 9 kn (16.7 km/h) Skrüüw(en) 2 × Propeler

Kapatsiteet Akkukapatsiteet 1.092 kWh Solārönlaag ~ 5,4 Wp Pasajiiri 140 Weelen 60

Üđers wat Registernumer ENI 02339529

Muar Wai/Liinie Reventlou - Dietrichsdorf - Wellingdorf Aurn GTL-Brener

Di MS Wellingdorf es en Elektroföri wat ön Kiel ön di Föör mung di Reventloubröch ön di Weesterkant en Diedrichsdorf en Wellingdorf ön di Uasterkant, iin ön di Müring fan di Schwentiine lapt.

Di Reederii es di SFK ön Kiel, di Liinie jit F2 of Schwentinelinie.

Di Wellingdorf heer en Sesterskep, di Düsternbrook

Biiring Elektroskeepen ken 140 Mensken en 60 Weelen me langs fo.

Em ken me of söner Weel mal makelk üp Skep kum aur di Elektrobröch ombi 1,60 m breer es.

Di Wellingdorf waar ön di 22st fan di Bārichtmuun 2022 ön Gang braacht, di Düsternbrook kām fuarof, ön di Krölenmuun fan 2021. Di Düsternbrook heer en litjer Baterii en en bet üđer Löningsbuurtern.

Di Wellingdorf heer ombi 3,2 Miljoonen Euro kostet, Dütsklön heer me ombi 470.000 € holpen.

Technik

Di Wellingdorf en di Düsternbrook laap me ual Technik, Wialterpropeler en Bugstraalröđer.

Baterii en Eeđerleering

Di Föri heer en Baterii of Akkumulātor me en Kapatsiteet fan 1.092 kWh.
Dit meent, dat et me 25 kWh Āpleerkraft ombi 40 Stünen waaret en leer en lerig Baterii weđer āp.
Üp Taak heer dit Skep en Solārönlaag, wat di Baterii en bet eeđerleer ken. Me des Technik ken di Föri en hiili Dai faar.
Di gurter Baterii üs bi di Düsternbrook wiar nöörig, dat di Föri ön di Somer bit tö 13 Stünen laap ken.

Bi di Baanhofsbröch sa üs bi di Bröch ön Diedrichsdorf waar Āpleerstatsjoonen becht.

Hurfuul Stroom fuar en Persoonenkilomeeter nöörig es

Ön jen Stün lapt di Föri tau Lop trinjom.

• Reventlou - Dietrichsdorf => 1,7 km
• Dietrichsdorf - Wellingdorf => 375 m of 0,375 km
• Wellingdorf - Reventlou => 2,0 km

Töhop sen dit 4,075 km of aur jen Stün 8,15 km

Aur 13 Stünen sen dit da 105,95 km of 57,21 Seemiilen, hurfuar knap 1.100 kWh nöörig sen.

Dit meent ombi 10 kWh fuar en Kilomeeter of 71,42 Wattstünen fuar en Persoonenkilomeeter, wan 140 Mensken me langs faar. Wan altert ombi 35 Mensken me langs kum, da sen dit ombi 275 Wh fuar en Persoonenkilomeeter.

Fuar di salev Aarber her en Dieselskep ombi 300 Liitern Brenstof nöörig.

Maskiinen

Di Öndreft lapt me tau Maskiinen fan 86 kW. Diarme ken di Föri ombi 8,5 bit 9 kn laap. Di Bugstraaler lapt enkelt me en Kraft fan 40 kW.

Aurn

Di Aurn giar me GTL (Gas to Liquid), en Aart fan Dieselööl, wat fan Öörtgas maaket uur.

Galerii

• 
  Di Āpleerstatsjoon. Boowen, iin ön di wit Kas set di Technik, hur di Skeepen me āpleeren uur.
• 
  Wan em sin Skeepen ön di Neđerlönen koopet da kumt uk di Elektriker fan diar.
• 
  Di MS Wellingdorf faart aur di Kieler Föör.
• 
  Ön di Reventloubröch ken em fain se, hur'ling dit Skep höm me Haaken fasthalt.
• 
  Ön di Schwentiine ken em di Wellingdorf fain fan fuarn üp Skelt fo.
• 
  Di Biskriiwing weeget en konservatiiv Bechningsaart.
• 
  400 V x 63 A = 25,2 kW hurme āpleeren uur ken.
• 
  Di MS Wellingdorf bi di Bröch ön Wellingdorf
• 
  Stöölern jeft et uk.
• 
  Benen en büten es Plaats fuar 60 Weelen.
• 
  Weelen üp Fuardeek

Registriaring

Di Wellingdorf heer di ENI 02339529.

Luki uk jir

• Di Reederii SFK aur di Wellingdorf