Adygeeja

Faan Wikipedia
Zur Navigation springen Zur Suche springen
Foehr.svg Tekst üüb Fering


Adygeeja uun Rüslun
A Flag faan't Republiik

At Republiik Adygeeja (üüb Adygeeisk: Адыгэ Республик Ādəɣă Respwblik, üüb Rüs: Республика Адыгея Respublika Adygeja) as en letj autonoom republiik uun det Süüdrüslun regiuun faan Rüslun. Det hee 439.996 lidj (2010)[1]. At hoodsteed faan't republiik as Maikop.

Geografii[Bewerke | Kweltekst bewerke]

Lunskap[Bewerke | Kweltekst bewerke]

Koord faan Adygeeja

At lun uun a nuurd faan't republiik as flaak an uun a süüd san dön Kaukasus Berger. Dön tau gratst berger uun Adygeeja san de Tschgusch Berig (3238 m) an de Fischt Berig (2868 m). De Kuban Struum maaget dial faan at nuurdgrens faan't republiik.

Steeden[Bewerke | Kweltekst bewerke]

Dön fjauer gratst steeden uun't republiik san:

# Steed Lidj (2010)[2]
1 Maikop 144.249
2 Jablonowski 26.171
3 Enem 17.890
4 Adygejsk 12.237

Iindialing faan Ferwalting[Bewerke | Kweltekst bewerke]

At republiik hee tau steedkreiser (Maikop an Adygeisk) an sööwen distrikten:

# Distrikt Grate (km²)[3] Lidj (2010)[4] Koord
1 Giaginski 799 31.766 Adygea districts.png
2 Koschechablski 603 30.422
3 Krasnogwardeiski 726 30.868
4 Maikopski 3681 58.439
5 Schowgenowski 517 16.997
6 Tachtamukaiski 468 69.662
7 Teutscheschski 710 20.643

Befölkring[Bewerke | Kweltekst bewerke]

Det letst folksteeling wiar uun't juar 2010. Efter a resultooten hee't republiik 439.996 lidj: 235.471 diarfaan san wüfhööd an 204.525 karmen[5].

Spriiken[Bewerke | Kweltekst bewerke]

Dön amtelk spriiken faan't republiik san Rüs an Adygeeisk.

Histoore[Bewerke | Kweltekst bewerke]

Adygeeja wurd 27. Jüüle 1922 üüs en autonoom prowins uun Rüslun grünjlaanjen. Det wurd 3. Jüüle 1991 en autonoom republiik. De iarst president faan't republiik wiar Aslan Dscharimow, diar 5. Janewoore 1992 woolet wurd an tu 2002 uun't baantje bleew.

Öler presidenten faan't republik san: Hasret Sowmen (2002-2007), Aslan Tchakuschinow (2007-2017), an Murat Kumpilow (2017-).

Kwelen[Bewerke | Kweltekst bewerke]

  1. Russia: Southern Federal District, citypopulation.de
  2. Russia: Republic of Adygea, citypopulation.de
  3. Adygea: Republic in Southern Federal District, citypopulation.de
  4. Adygea: Republic in Southern Federal District, citypopulation.de
  5. Adygea: Republic in Southern Federal District, citypopulation.de