Brest (Prowins)

Faan Wikipedia
Tekst üüb Fering


Det Brest Prowins uun Witjruslun
Flag faan det Brest Prowins

Det Brest Prowins (üüb Witjrüs: Брэ́сцкая во́бласць Brésckaja vóbłasć [ˈbrɛstskaja ˈvɔblastsʲ]; üüb Rüs: Бре́стская о́бласть Bréstskaja óblast’ [ˈbrʲesːkəjə ˈobɫəsʲtʲ] of [ˈbrʲest͡skəjə ˈobɫəsʲtʲ]) as ian faan dön seeks prowinsen faan Witjruslun. At prowins leit uun a süüdwaast faan't lun. Uun a nuurd leit det Hrodna Prowins, uun a nuurduast det Minsk Prowins, uun a süüduast det Homelj Prowins, uun a süüd at Ukraine an uun a waast Poolen. Det hee 1.401.177 lidj (2009)[1]. At hoodsteed faan't prowins as Brest.

Geografii[Bewerke | Kweltekst bewerke]

De Belawescha Puschtscha Natschunaalpark leit uun a waast faan't prowins.

Koord faan det Brest Prowins

Indialing faan Ferwalting[Bewerke | Kweltekst bewerke]

Det Brest Prowins hee trii steeden (Baranawitschy, Brest an Pinsk) an 16 distrikten (üüb Witjrüs: раёны rajóny, üüb Rüs: райо́ны rajóny):

# Distrikt Grate (km²)[2] Lidj (2009)[2] Hoodsteed
1 Baranawitschy 2188 41.902 Baranawitschy
2 Bjarosa 1402 66.988 Bjarosa
3 Brest 1558 39.426 Brest
4 Drahitschyn 1878 42.948 Drahitschyn
5 Hantsawitschy 1664 31.170 Hantsawitschy
6 Iwanawa 1547 43.586 Iwanawa
7 Iwatsewitschy 3000 59.906 Iwatsewitschy
8 Kamenets 1716 39.143 Kamenets
9 Kobryn 2010 88.037 Kobryn
10 Ljachawitschy 1361 30.498 Ljachawitschy
11 Luninets 2672 73.200 Luninets
12 Malaryta 1373 25.780 Malaryta
13 Pinsk 3281 51.997 Pinsk
14 Pruschany 2842 52.511 Pruschany
15 Stolin 3351 80.695 Stolin
16 Schabinka 669 25.031 Schabinka

Befölkring[Bewerke | Kweltekst bewerke]

14. Oktuuber 2009 jaft at en folksteeling uun Witjruslun. Efter a resultooten hee det Brest Prowins 1.401.177 lidj: 980.851 diarfaan lewet uun steeden an 399.540 üüb't lun[3].

Resultooten faan iarer folksteelingen:
1979 - 1.363.526
1989 - 1.458.360
1999 - 1.485.100[4]

Histoore[Bewerke | Kweltekst bewerke]

Det Brest Prowins uun Janewoore 1940

At prowins wurd 1939 grünjlaanjen. Faan 1921 tu 1939 wiar at teritoorium faan't prowins faan daaling dial faan det Polesien Wojwodskap uun Poolen. Uun de Naist Wäältkrich wurd at prowins faan det tjiisk armee besaatet. Det Pinsk Prowins wurd 8. Janewoore 1954 ufskaafet an wurd dial faan't prowins. De likedening dai wurd det Baranawitschy Prowins ufskaafet an det süüduast dial diarfaan wurd dial faan’t prowins.

Persöönelkhaiden[Bewerke | Kweltekst bewerke]

Kwelen[Bewerke | Kweltekst bewerke]

  1. Belarus: Regions, citypopulation.de
  2. 2,0 2,1 Belarus: Administrative Division, citypopulation.de
  3. Belarus: Bresckaja Voblaść, citypopulation.de
  4. Belarus: Regions, citypopulation.de