C. P. Hansen

Faan Wikipedia
(Widjerfeerd faan Christian Peter Hansen)
Söl'ring


C.P. Hansens ual Hüs.
Ön di Somer es trinjum dit masi Spitaakel.

Christian Peter Hansen es Skuulmaister en Köster üp Söl wesen. Hansen es ön di 28. August (Bārichtmuun) fan 1803 tö Wārel kemen. Stürewen es hi ön di 9. Detsember (Jöölmuun) fan 1879.

C.P. Hansen wiar di Dreeng fan Jap Peter Hansen, en diarom wiar hi fuar't Miist üs Krischan Japen of Kiitji Japen bikeent. Hi heer masi aur di Sölring Histoorii ütfünen en āpskrefen. Diar sen da uk Kaarten me ual Fluurnaamen bi ütkemen.

Hansen hee en ethnograafisk Saamling fan ual Kraam üs stiinern Kniiwern sa üs üđers, wat di Lir jerer bi 't Hüs her haa. Des Saamling heer Hansen ön sin Bok "Sagen und Erzählungen der Sylter Friesen" (1875) biskrefen, wat em jit ön Antikwariāti fo ken[1].

Me en Diil fan di Saamling es di Museumsaarber fan di Sölring Foriining bigent uuren, en dat "Altfriesische Haus" (Üp Sölring sair em "Ual Hüs") es dit Hüs fan C. P. Hansen wesen.

Boker en Söl'ring Skriifwiis[Bewerke | Kweltekst bewerke]

Masi Bokern fan höm sen ütkemen, en di wiar üp Dütsk en Söl'ring skrefen. Diarme heer C. P. Hansen uk fuul diarfuar dönen, dat di Söl'ring Orthografii förter ütbecht uur kür, en hi heer uk masi dechtet. Di diari wiar ja man tö sin Tir ek ialer üs ombi 40 Jaaren.

Bi des Skriifwiis falt āp, dat diar ön di jerst 100 Jaaaren di "Konsonatenfordopeling" wesen es, sa üs wü dit ön Dütsk keen, wan di Vokāl fuarüt kuurt es: Delling, lekkelk, knorrig, ... . Dit heer höm noch eeđer Boy Peter Möller sin Uuurterbok (1915) foranert.

Gans gur tö keen es dit bi di Forklaaring fan Balādi Pider Lüng of Pidder Lüng, diar Hansen bi jen fan sin Fortelingen en bet foranert heer.

Hansen heer me sin Aarber förtermaaket, wat sin Faađer, Jap Peter Hansen bigent heer: Di Söl'ring Literatuur, diar en gurt Wert, uk en jüst fuar di Nuurđfriisk Saamlingen heer. Sok Bokersaamlingen ken em t. B. ön't Nuurđfriisk Instituut finj, en uk di Antikwariāti haa jit wat öntöber. Uk bi Nann Peter Mungard ken em se, dat hi üp di Aarber fan di Hansens āpbecht heer.

Di C. P. Hansen Pris[Bewerke | Kweltekst bewerke]

Sent 1960 uur di C. P. Hansen Pris ark Jaar tö Liren dönen, diar wat fuar di Sölring Saak sa üs Kultuur, Spraak en Brükdom dönen haa.

Prisdraiern[Bewerke | Kweltekst bewerke]

Verzeichnis der Träger des C. P. Hansen – Preises von 1960 bis 2015

  • 1962 Waldemar Henningsen, Tinem
  • 1964 Henriette Mai, Kairem, Friedrich Hansen, Kairem, Andreas Hansen, Kairem
  • 1965 Nis Nissen, Woningstair, Hans Gantzel, Woningstair
  • 1966 Niin C.P. Hansen-Pris
  • 1967 Niin C.P. Hansen-Pris
  • 1968 Peter Albert Peters, Tinem
  • 1969 Anna Gantzel, Kairem, Benedikte Petersen, Kairem, Boy Matzen, Kairem
  • 1970 Hermann Dirksen, Kairem
  • 1971 Meinert Nielsen, Tinem
  • 1973 Hugo Green, Kairem
  • 1975 Carl Thiesen, Weesterlön
  • 1976 Dr. Claus Andersen, Kairem
  • 1977 Hans Lassen, Kairem
  • 1978 Martha Hansen, Kairem
  • 1979 Alwin Pflüger, Weesterlön
  • 1980 Paula Schneider, Kairem
  • 1981 Hubertus Jessel, Weesterlön
  • 1982 Brunhilde Hagge, Kairem
  • 1983 Annemarie Winger, Kairem
  • 1984 Uwe Petersen, Kairem
  • 1987 Karl Schmidt, Ruarnöös
  • 1988 Dr. Harald Voigt, Weesterlön
  • 1989 Jens Peter Petersen, Kairem
  • 1990 Dr. Erich und Erika Voß, Lübeck
  • 1991 Werner Haselbach, Weesterlön
  • 1992 Rolf Spreckelsen, Woningstair
  • 1993 Gerhard Krause, Kairem
  • 1994 Manfred Holst, Muasem
  • 1995 Günther Petersen, Weesterlön
  • 1996 Carla Petersen, Weesterlön
  • 1997 Uwe Sönnichsen, Naibel
  • 1998 Gerd Dannenberg, Weesterlön
  • 1999 Erika Hansen, Muasem
  • 2000 Dr. Manfred Wedemeyer, Muasem
  • 2001 Prof. Nils Århammer, Bräist
  • 2002 Elke Rossberg, Weesterlön
  • 2003 Horst Jacobsen, Tinem
  • 2004 Martin Lange, Weesterlön
  • 2005 Iarenneereln fuar di Prisdraiern, dānen jit leewendig wiar
  • 2007 Niin C.P. Hansen-Pris
  • 2008 Niin C.P. Hansen-Pris
  • 2009 Eike Freese, Maike Hauschildt, Kerstin Jürgensen, Bärbel Nötzel, Karin Artschwager, Anja Lorenzen, Gabriele Winkler
  • 2010 Dr. Ommo Wilts, Osdorf / Kiel
  • 2011 Konrad Hansen, Kaamp
  • 2017 Elisabeth Westmore
  • 2018 Wilhelm Borstelmann
  • 2019 Dr. Roland Klockenhoff
  • 2022 Britta Frank

Futnuuten[Bewerke | Kweltekst bewerke]

  1. Nii prentet 1972 fan Sändig oHG, Wiesbaden, ISBN 3-500-25510-8

Luki jens diar[Bewerke | Kweltekst bewerke]

Diheer artiikel luanet det leesen.
Didiar artiikel as di 01. Jüüne 2017 uun det list faan gud artiikler, diar det leesen luane apnimen wurden. Uun uugenblak jaft at diar 73 faan.