Düsternbrook (Skep)

**Düsternbrook**
Skepsdaaten
Flag	Dütsklön'
Skepstyp	Elektroföri
Heimathaawen	Kiel
Reederii	SFK Kiel
Werew	Holland Shipyards, Hardinxveld-Giessendam
Ön Faart braacht	25. Krölenmuun 2021
Maaten en Manskep
Leengdi	24,70 m (hiilendal)
Breetji	7,20 m
Diipgung	max. 1,90 m
Manskep	1
Maskiin
Maskiin	2 × Elektromaskiin; 1 Bugstraalröđer
Maskiinenkraft	2 x 86 kW, Bugstraal 40 kW
Tiinst-; faart	8,5 kn (15.7 km/h)
Gauest Faart	9 kn (16.7 km/h)
Skrüüw(en)	2 × Propeler
Kapatsiteet
Akkukapatsiteet	819 kWh
Solārönlaag	~ 5,4 Wp
Pasajiiri	140
Weelen	60
Üđers wat
Registernumer	ENI 02338907
Muar
Wai/Liinie	Reventlou - Dietrichsdorf - Wellingdorf
Aurn	GTL-Brener

Söl'ring

Di MS Düsternbrook es en Elektroföri wat ön Kiel ön di Föör mung di Reventloubröch ön di Weesterkant en Diedrichsdorf en Wellingdorf ön di Uasterkant, iin ön di Müring fan di Schwentiine lapt.

Di Reederii es di SFK ön Kiel, di Liinie jit F2 of Schwentinelinie.

Di Düsternbrook heer en Sesterskep, di Wellingdorf

Biiring Elektroskeepen ken 140 Mensken en 60 Weelen me langs fo.

Em ken me of söner Weel mal makelk üp Skep kum aur di Elektrobröch ombi 1,60 m breer es.

Di Düsternbrook waar ön di 25st fan di Krölenmuun 2021 ön Gang braacht, di Wellingdorf kām achterön, ön di Bārichtmuun fan 2022. Di Wellingdorf heer en gurter Baterii en en bet üđer Löningsbuurtern.

Di Düsternbrook heer knap 3 Miljoonen Euro kostet, Düsklon heer me ombi 400.000 € holpen.

Technik

Baterii en Eeđerleering

Di Föri heer en Baterii of Akkumulātor me en Kapatsiteet fan 819 kWh.
Dit meent, dat et me 25 kW Āpleerkraft ombi 33 Stünen waaret en leer en lerig Baterii weđer āp.
Üp Taak heer jü en Solārönlaag, wat di Baterii en bet eeđerleer ken. Me des Technik ken di Föri en hiili Dai (ombi 10 Stünen) faar.

Bi di Baanhofsbröch sa üs bi di Bröch ön Diedrichsdorf waar Āpleerstatsjoonen becht.

Maskiinen

Di Öndreft lapt me tau Maskiinen fan 86 kW. Diarme ken di Föri ombi 8,5 bit 9 kn laap. Di Bugstraaler lapt enkelt me en Kraft fan 40 kW.

Aurn

Di Aurn giar me GTL (Gas to Liquid), en Aart fan Dieselööl, wat fan Öörtgas maaket uur.

Galerii

Me höör junk blö Klöör sjocht di Düsternbrook ek olter frinjelk üt. Dit Waapen uur al restig.
Di Āpleerstatsjoon. Boowen, iin ön di wit Kas set di Technik, hur di Skeepen me āpleeren uur.
Di "Schwentine" es di ual Föri wat ön di Liinie F2 faart es. Jü noom fuar en Dai 300 bit 400 Liitern Diesel.
Wan em sin Skeepen ön di Neđerlönen koopet da kumt uk di Elektriker fan diar.