Sleep- en Föriskeps-Selskep Kiel (SFK)

Söl'ring

Logo fan di Schlepp- und Fährgesellschaft Kiel mbH

Di Schlepp- und Fährgesellschaft Kiel mbH (SFK) es 1996 fan di Kieler Verkehrs Aktiengesellschaft (KVAG) kemen hur jü en Diil fan wesen wiar. Di SFK es sa üs uk di Kieler Verkehrsgesellschaft (KVG) en Daachterfirma fan di Eigenbetriebs Beteiligungen der Landeshauptstadt Kiel (EBK).

Bi di SFK sen 53 Meaaberers ön Gang. Di SFK heer soks Pasajiirskeepen, soks Sleepers en tau See-Pontons.

Föriskeps-Liinien

Hat jeft tau Liinien, wat töhop 22,8 Kilometern lung se:

• Föörliinie (F1): Ön di Kieler Föör mung Kiel en Laboe – aur di Somer uk bit naa Strande
  • Löningsstairen: Bahnhof – Seegarten – Reventlou – Bellevue – Mönkeberg – Möltenort – Friedrichsort – Falckenstein – Laboe – Kiel-Schilksee – Strande

• Schwentineliinie (F2): Mung Weesterkant en di Müring fan di Schwentiine
  • Löningsstairen: Reventlou – Dietrichsdorf – Wellingdorf (bluat fan Mondai bit Friidai)

Elektroskeepen bi di SFK

• MS Düsternbrook
• MS Wellingdorf

Galerii

• 
  Pasajiirskep Gaarden es en Plugin-Hybrid
• 
  Di Düsternbrook
• 
  Sleeper Stein (1) wiar bit 1998 ön Gang
• 
  Sleeper Holtenau
• 
  Dit Kombiskep Falckenstein ken gurt Skeepen sleep en mut uk 180 Mensken me langs nem.
• 
  Uk di Kitzeberg es en Sleeper, wat 180 Mensken faar mut.

Luki uk jir

•  Commons: Sleep- en Föriskeps-Selskep Kiel (SFK) – Saamling fan Skelter en Videos
• Schlepp- und Fährgesellschaft Kiel mbH ön't Nat