Frederik Paulsen

Faan Wikipedia
Waksle tu: Nawigatjuun, Schük
Amrum.pngTekst üüb Öömrang


Frederik Paulsen
Bil: Fering Stiftung

Frederik Paulsen (* 31. Jüüle 1909 uun Doogebel; † 03. Jüüle 1997 uun Aalkersem üüb Fer) hää eegentelk Friedrich Paulsen het, wiar dochter uun a medesiin an hää FERRING Pharmaceuticals grünjlaanj.

Leewent[Bewerke | Kweltekst bewerke]

Paulsen wurd uun't nuurdfresk Doogebel bäären. Sin aalern kaam faan Fer. Efter sin mamenspriak näämd hi sin onernemen FERRING.

1933 studiaret Paulsen medesiin uun Kiil, füng diar stridj mä a Nazis an flücht 1935 auer Baasel uun a Schweiz tu Malmö uun Sweeden. 1942 wurd'er sweedsk stootsbürger, an sin onersjükangen auer hormoonen wiar det grünjlaag för sin onernemen uun Malmö 1950. Üs hi sweedsk wurd, anert Paulsen san föörnööm faan Friedrich tu Frederik.

1988 hää Paulsen at Ferring Stiftang uun Aalkersem grünjlaanj. Hi wul en iinrachtang skaafe för't eilun Fer an aler Nuurdfresken, am at aanj spriak an kultüür tu pleegin.

Mä 60 juar hää hi sin onernemen tu san dring Frederik Paulsen di jonger auerden, mä knaap 88 juar stoorew hi uun Aalkersem üüb Fer.

Ferwisang efter bütjen[Bewerke | Kweltekst bewerke]