Gaza (Prowins)
 Tekst üüb Fering
|
Det Gaza Prowins (üüb Portugiisk: Província de Gaza [ˈga.zɐ]) as en prowins uun de aafrikoons stoot Mosambik. At prowins leit uun a süüdwaast faan’t lun. Det as efter en swaasi höödling, Gaza, neemd, diar uun a 19. juarhunert lewet. Uun a nuurdwaast leit det Masvingo Prowins faan Simbabwe, uun a nuurd leit det Manica Prowins, uun a uast det Inhambane Prowins, uun a süüd det Maputo Prowins an uun a waast lei dön Limpopo an Mpumalanga Prowinsen faan Süüdaafrika. At prowins hee 1.446.654 lidj (2017)[1]. At hoodsteed faan't prowins as Xai-Xai.
Geografii
[Bewerke | Kweltekst bewerke]
Geograafisk Laag
[Bewerke | Kweltekst bewerke]De Süüdelk Kiarkreis gungt troch a maden faan Gaza Prowins.
Lunskap
[Bewerke | Kweltekst bewerke]Laguuunen
[Bewerke | Kweltekst bewerke]Gaza Prowins hee laguunen, wat mä öler prowinsen diald wurd. Tau san det Chuali Laguun an det Uembje Laguun, wat mä Maputo Prowins diald wurd. En öler as det Marrangua Laguun. En letj dial faan a uastaanj faan't laguun wurt mä Inhambane Prowins diald.
Natschunaalparken
[Bewerke | Kweltekst bewerke]At prowins hee tau natschunaalparken: de Banhine Natschunaalpark, wat uun a maden faan't prowins lei and de Limpopo Natschunaalpark, wat uun a waast lei an en grens mä de Kruger Natschunaalpark faan Süüdaafrika dialt. En letj dial faan a nuurd as dial faan't de Zinave Natschunaalpark, wat för't miast uun det Inhambane Prowins leit.
Struumer
[Bewerke | Kweltekst bewerke]De Limpopo Struum leept troch't prowins iin uun det Atlantik nai bi Xai-Xai. De Chagane Struum bildet dial faan't uastgrens an leept iin uun de Limpopo Struum. De Save Struum bildet at grens mä Manica Prowins uun a nuurd.
Steeden
[Bewerke | Kweltekst bewerke]Steeden uun't prowins san: Xai-Xai, Chokwé, Massingir an Chicualacuala.
Indialing faan Ferwalting
[Bewerke | Kweltekst bewerke]Gaza Prowins hee ian steed (Xai-Xai) an tretanj distrikten.
| # | Nööm | Grate (km²)[1] | Lidj (2017)[1] | Hoodsteed |
|---|---|---|---|---|
| 1 | Bilene | 2157 | 150.554 | Macia |
| 2 | Chibuto | 5653 | 220.980 | Chibuto |
| 3 | Chicualacuala | 11.393 | 27.456 | Chicualacuala |
| 4 | Chigubo | 14.864 | 23.247 | Dindiza |
| 5 | Chókwè | 2466 | 240.244 | Chókwè |
| 6 | Chongoene | 747 | 121.495 | Chongoene |
| 7 | Guijá | 4207 | 93.928 | Caniçado |
| 8 | Limpopo | 1119 | 152.053 | Nuvunguene |
| 9 | Mabalane | 9107 | 43.883 | Mabalane |
| 10 | Manjacaze | 3797 | 140.588 | Manjacaze |
| 11 | Mapai | 6682 | 29.833 | Mapai |
| 12 | Massagena | 7481 | 21.965 | Massangena |
| 13 | Massingir | 5893 | 37.300 | Massingir |
Befölkring
[Bewerke | Kweltekst bewerke]At wiar folksteelingen uun 2017, 2007, 1997 an 1980. Efter't folksteeling faan 2007, wiar 552.249 faan a lidj uun't prowins karmen an 684.035 wüfhööd[2].
| Folksteeling 1980[3] | Folksteeling 1997[4] | Folksteeling 2007[5] | Folksteeling 2017[1] |
|---|---|---|---|
| 990.900 | 1.116.903 | 1.236.284 | 1.446.654 |
Histoore
[Bewerke | Kweltekst bewerke]Det Gaza Prowins wurd 1946 üüs det Gaza Distrikt grünjlaanjen. Det wiar iar dial faan det Lourenço Marques Distrikt.
Weblinks
[Bewerke | Kweltekst bewerke]Kwelen
[Bewerke | Kweltekst bewerke]- ↑ 1,0 1,1 1,2 1,3 Mozambique, citypopulation.de
- ↑ [1]Instituto Nacional Estatística, Indicadores Sócio Demográficos Província de Gaza 2007.
- ↑ The Statesman's Yearbook 1987-1988, s. 874.
- ↑ [2]Instituto Nacional Estatística, Indicadores Sócio Demográficos Província de Gaza 2007.
- ↑ [3]Instituto Nacional Estatística, Indicadores Sócio Demográficos Província de Gaza 2007.
