Geest

Faan Wikipedia
Tekst üüb Öömrang


Geestlun uun Schleswig-Holstian bi Dörpling uun Dithmarschen.
Stolberag uun Nuurdfresklun.

Geest (gååst(mo.)) as en loonskap uun Nuurdsjiisklun, a Neederlunen an Denemark

Beskriiwang[Bewerke | Kweltekst bewerke]

Ööders üs a maask as a geest uun a istidj entstenen. Istonger haa stianer an sun tuuppuid, an sodenang san huuger apwoksen. En huuch geesthuug uun Nuurdfresklun as a Stolberag.

A nuurdfresk eilunen Oomram, Fer an Sal bestun tun graten dial ütj geestlun, jo ööder eilunen an halgen ütj rian maasklun. En ütjnoom as Halaglun, det as en fels ütj sunstian.

Geestlun as ei altu früchtboor. Hat as fööraal mä sjüüren bewoksen. Huar a buumer ufslaanj wurden san, koon am mä irpler büüre. Wan a plaanten faan sjep kurt häälen wurd, koon a hias ham briad maage.

Üüb a geest fanjst dü föl letj waaler, am a winj tu breegen. Jo san miast mä wilger bewoksen. Ööders weit det betj gud eerd wech. A wilger hää am iar brükt för staachen an üs braanholt.

Huar a geest bit tu a küst lääpt, sjochst dü en klaf, so üs uun Muasem üüb Sal.

Besiidlang[Bewerke | Kweltekst bewerke]

Uun Nuurdsjiisklun haa üüb a geest al loong minsken wenet, auer am diar ei baang föör sturemfluden wees sost. Det koon am bi a greew ütj a stiantidj sä. A maask as iarst mä a Fresken besiidelt wurden. Sodenang wiar a streg tesken maask an geest uun't madelääler uk en streg tesken a Fresken an Saksen.

Spreegwurd[Bewerke | Kweltekst bewerke]

  • Ales geest, saad a büür, üs hi weder tüs kaam faan Egypten.

Luke uk diar[Bewerke | Kweltekst bewerke]