Gunger

Faan Wikipedia
Waksle tu: Nawigatjuun, Schük
Amrum.pngTekst üüb Öömrang


En gunger of uk wedergunger as en duaden, diar nian rau fanjt an leewen "wedergongt". So gongt en stak, diar üüb Oomram an Sal ferteld woort.

  1. Diar woort ferteld, dat fülk lidj, diar uun hör leewent föl iarag den haa, efter hör duas nian rau finj an do üs gunger leewen weder apdaage. Det san miast lidj, diar hör mäminsken bedraanj of jo salew ferflekt haa.[1]
    Diar as wel mä mend, dat sok fülk lidj ei ferjiden wurd an dat sogoor hör efterkemen diar noch oner liis.
  2. Wan en siamaan üüb sia stareft, do daaget hi üs gunger weder ap, am bööd faan san duas tu dun. Hi sticht ap ütj a sia, gongt iinuun hüüs, maaget at laacht ütj an läät en letjen sluat faan saaltweeder diar. Det dää hi so loong, bit a lidj ham beseenk.[1]
    Diar skel was a sialidj mä iaret wurd, diar hör leewent för't daagelk bruad läät haa, an ei ferjiden wurd skel.
  3. Uk hoker, diar ambroocht wurden as, an huar a lidj faan men, hi wiar man troch en ünlok amkimen, gongt weder.
    Det skal wel het, det slacht geweeten faan en muurdager komt dach weder tu dais.

Gungern uun a literatüür[Bewerke | Kweltekst bewerke]

Det musical könst dü di üs DVD uunluke.
  • Di Widergunger as en musical faan Gary Funck, diar 2014 apfeerd [2] wurden as.
  • Hugo Wolfgang Philipp skrääw uun a 1930er juaren det teooterstak Der Gonger kommt
  • 2008 as di film Gonger – Das Böse vergisst nie dreid wurden.[3]
  • An 2010: Gonger 2 – Das Böse kehrt zurück[4]
  • Karl Müllenhoff (ütjden): Sagen, Märchen und Lieder der Herzogthümer Schleswig, Holstein und Lauenburg, 1845. Kapitel CCLI, Die Gongers.

Futnuuten[Bewerke | Kweltekst bewerke]

  1. 1,0 1,1 Karl Müllenhoff (ütjden): Sagen, Märchen und Lieder der Herzogthümer Schleswig, Holstein und Lauenburg, 1845, S. 183–184.
  2. Südtondern Nachrichten, 8.4.2014
  3. Gonger - Das Böse vergisst nie uun't Internet Movie Database (ingelsk)
  4. Gonger 2 - Das Böse kehrt zurück uun't Internet Movie Database (ingelsk)