Hoonfäästang

Tekst üüb Öömrang

Hoonfäästang uun a Ukraine

At Hoonfäästang wiar uun ualang tidjen en bradlep saner krastelk seegen. Miast wiar det so mend, dat diarefter en weien uun hööw fulge skul. En hoonfäästang wiar en jinsidjag ferspreegen, diar ei so ianfach weder apliaset wurd küd. Üs tiaken för det ferspreegen san det lachter hun faan di bradgung an det rochter hun faan't bridj mä en smok bian ferbünjen wurden.

Daalang as at hoonfäästang en jift, diar bridj an bradgung jinsidjag auerdu. Miast as det en ring. An det as jüst so mend, dat det bradlepspaar frei wal. Man det hoonfäästang as daalang flooksis hiamelk an saner tjüügen.

Histoore

Uun't ual Ingelsk mend to handfast so föl üs en ferdrach maage. Di ferdrach wiar maaget, wan t.b. tau kuuplidj a hunen iinsluch. So as det wurd uk al uun't ual Noorsk brükt wurden: handfesta. Uun't Ualfresk jääw't di ütjdruk hondfestinge an uun't ual Plaatsjiisk hää det hantvestinge het. Modern spriaken kään det wurd Manifest (faan latiinsk manus - hun).

Wederaplewin

Nei leewent kaam tu det "ual hoonfäästang" uun a "Neo-Paganismus". Det as en hialer rä faan sköölen mä minsken, diar det modern leewent an uk at krastendoom uflöne. Jo wel hal wise, dat jo üs en paar mäenööder ferbünjen san, an haa det hoonfäästang weder aplewe läät.

Uun Nuurdameerikoo an't Ferianagt Könangrik san a Neo-Paganisten miast poliitisk lachts, uun Madel- an Uasteuroopa san's miast rochts.

Luke uk diar

 Commonskategorii: Hoonfäästang – Saamlang faan bilen of filmer