Hualewjonken

Tekst üüb Öömrang

Hualewjonken as en ualen brük üb Feer an Oomram. Hi gont al üüb a siafaartskuulen turag.

Histoore

Uun't 17. an 18. juarhunert foor flook Öömrangen an Feringen tu sia üüb waalfang ap tu Greenlun. Man uun a wonter wiar's aran an studiaret nawigatjuun. Det iarst siafaartskuul as faan prääster Richardus Petri (1597–1678) uun Söderaanj grünjlaanj wurden. Man uk üüb Sal an uun Foortuft jääw't sok skuulen. Alian üüb Feer jääw't uun't 18. juarhunert muar üs 100 kopteins.

An wan a sialidj do di leed eftermade tuupkaam tu studiarin an tu snaakin, do wiar't al bal jonk: hualewjonk. Diar kaam di nööm för jodiar fersaamlangen faan.

Nütidj

Hualewjonkensköölen jaft at daalang noch. Üüb Feer san det sköölen faan jong, ünbefreid maaner tesken 14 (freimaagin) an 30 juar. Uk üüb Oomram jaft at en hualewjonkenskööl, det san oober ääler maaner, diar a siafaard al besoonket haa.