Jens Mungard/fe

Tekst üüb Fering

Jens Emil Mungard.
En bilj faan Peter Klint.

Jens Emil Mungard (* 9. Febrewoore 1885 uun Kairem; † 13. Febrewoore 1940 uun KZ Sachensenhausen) wiar en dachter faan Sal.

Leewent

Jens Emil Mungard kaam a 9.2.1885 uun Keitem üüb Sal üüs dring faan Nann Peter Mungard an Elisabeth Mungard, bäären Schwennen, tu wäält. A 31. 3. 1900 kaam hi ütj skuul. Hi wurd büür an auernaam det büürsteed faan san aatj. A 29. 4. 1910 befreid hi ham mä Anna Andresen faan Feer. Jo hed 4 jongen mänöler. Uun a 1. wäältkrich wurd hi tu a Inselwache iintaanjen. 1936 wurd hi waler feestnimen. Hi kaam iarst uun't Gerichtsgefängnis uun Flensborig, faan diar haalet a Gestapo ham a 1. 2. 1939 uf an broocht ham uun't KZ Sachsenhausen. Diar stoorew hi a 13.2.1940

Werk

Troch Pieter de Clercq, diar mä san aatj Nann Peter Mungard tupwerket, fing Jens E.Mungard uun jong juaren kontakt tu a waastfriisk literatüür. Sodening kaam det, det hi hög waastfriisk liitjen tu't sölring auersaat. Uun det Sölring Leesbuk, wat 1909 faan Boy Peter Möller ütjden wurd faan Mungard det dachting "Dial aur Is" ufdrükt. Uun "Dechtings an leedjis", ütjden faan Andreas Hübbe, wurd "Ströntistel" an waler "Dial aur Is" ufdrükt.
Uun a naist juaren küd ham föl faan Mungard uun det bleed "Sylter Zeitung" lees. Öler steeden, huar ham sin wärken lees küd, wiar "Fuar sölring lir" an det tidjskraft "Sylter Land und Leute". Mungard hee uk 6 teaaterstaken skrewen.

Bispalen

Min Bloom

Ströntistel es min Bloom,
Ströntistel neem's uk mi.
Jü gröört üp Dünemsön,
Ik üp des Leewents-Strön,
En Proter haa wat biiđ!

Muasem-Meln
(Becht 1787, stellair 1918, ofbreeken 1928)

Dü Meln gre en ual,
Din Ruaen hual jaar Wiil,
Din Stiiner stel jens hual
Nü eeđer Jaarens Iil.

Dü kürst me Hemelswinj,
Man dach ek söner Sweet,
Tö Bruar dit Kuuren Grinj,
Man salev waarst Dü treet.

Di Winj, di sjungt sin Wiis
Aur Strön, aur Dünem, Hiiđ.
Dü halst Din Wiil, letst wiis
Din Ialer, net en bliiđ.

Di Sen, di sünkt sa ruar,
Di Winj wait söner Iil.
Fo ik uk fuar min Duar
En Stün tö Freer en Wiil?

Literatüür faan an auer Jens E. Mungard

Jens E. Mungard: Ströntistel en Dünemruusen: das lyrische Werk. Herausgegeben von Hans Hoeg. Norddorf/Amrum: Quedens 1995, ISBN 3-924422-37-0.
L.C. Peters: Nordfriesische Dichter. NFJb. 1949. S. 158-162.
Dit Lewent en broket Kraans, J.H. Brouwer en öler (Editöören), Drachten, 1962.
Fuar di min Hart heer slain, H. Hoeg (Editöör), Bräist, 1985.

Texten

Text:Dial aur Is

Luke uk diar

Jens Emil Mungard uun't Tjiisk Biografii
Dünemfisel, at plaant (öömrang)
Mungard, en CD faan Christoph Hansen, Martje Johannsen, Kalle Johannsen