Knudt Flor

Faan Wikipedia
Waksle tu: Nawigatjuun, Schük
Wikipedia-logo-v2-frr.svg Didiar artiikel "Knudt Flor" as eksklusiif üüb't Nuurdfresk Wikipedia!
Amrum.pngTekst üüb Öömrang


Knudt Flor

Knudt Flor (* 25. Jüüle 1959 uun Naibel) as en diploom-ingenieur an direkter bi BMW uun München.

Leewent[Bewerke | Kweltekst bewerke]

Knudt as uun A Wik apwoksen üs dring faan Ocke Hinrich Flor an sin wüf Christa, bäären Baumgarten. Leeder skebet hi mä sin aalern tu Schleswig, auer san aatj diar hen fersaat wurd. Diar hää'er sin abituur maaget. Uun a tachentager juaren hää Knudt maskiinenbau uun Braunschweig studiaret an foor uk tu sia. 1988 kaam hi tu det grat auto- an motoorenfabrik BMW uun München, huar hi ham fööraal am det kwaliteet uun a produktschuun komert hää. Leeder wiar hi föl uun't ütjlun üs direkter uun Spartanburg (USA), Rosslyn (Süüdafrikoo) an Shenyang (Sjiina). 2013 seed'er weder uun München uun en huuch positschuun. Sant Detsember 2016 as hi CEO uun Spartanburg.

Famile[Bewerke | Kweltekst bewerke]

Uun Knudt sin famile wiar flooken, diar jo för't fering spriak an wiis iinsaat haa. Sin oome Lena Flor wiar en saster faan di historiker an dachter L.C. Peters an sin uur-oome Julia Peters wiar en saster faan Knud Broder Knudsen an en kusiine faan Namine Witt. Knudt hää tau sastern, Gundel an Lena.

Luke uk diar[Bewerke | Kweltekst bewerke]