Peter Hansen

Faan Wikipedia
Waksle tu: Nawigatjuun, Schük
Wikipedia-logo-v2-frr.svg Di Bidrach "Peter Hansen" staant eksklusiif ön di Nuurđfriisk Wikipedia!
Sylt2.png Söl'ring


Peter Hansen (* 28. Aprilmuun 1812, stürewen 16. Januwaari 1829) wiar di Brüđer fan C. P. Hansen.
Peter Hansen her al jer me Kraankern tö dön, en sa maast hi fuul iin ön't Bēr bliif. Hi saamelti sin Weeten da, wan höm dit sa gur giar, dat hi üt kür. Weđer hi weđer kraank wiar, da waar āpskrewen en teeknet.
Sa skrev hi āp, hur'ling hi sin Ailön saach. Hi teekneti uk hol, en weđer hi des Taacht her, da waar uk Musiksteken skrewen of üt Haur ütnotiaret.

Sin Talent mut fiir aur di Maaten gingen wiis, diar em fuar dit Aaler keent, diar hi des Aarberen maaket heer.
Fan sin 12. Leewentsjaar ön spöleti Peter Hansen di Orgel iin ön di Sērk fan Kairem. Diarfuar her hi en hualev Jaar Önerrocht fan sin ialer Brüđer Christian Peter üp "Klawiir en Generālbas"[1] fingen, en dit leengti noch al diarfuar.

Bi di Tödiiling fan di C. P. Hansen-Pris 2013 waar en Ütaarbering fan Peter Hansens Daans-Musik "Treertā Muasem" (A-Dur) en "Alten Gudderinger" (D-Dur) spölet, diar Jürgen Borstelmann diarfan maaket heer. Di Musik fan Hansen es uk en Biaarbering, et staant üp en Bleer me di Aurskreft "Alte Stü(c)ke" [2]. Em ken höm bluat wuneri, hur fain hi di Nooten tö Popiir braacht heer.


Futnooten[Bewerke | Kweltekst bewerke]

  1. Tsitat eeđer Albert Panten
  2. "Die Entdeckung einer Landschaft - Sylt im 19. Jahrhundert - Zeichnungen von C. P. Hansen und eine Beschreibung der Insel von Peter Hansen", Söl'ring Foriining 2013, ISBN 978-3-925735-16-5, 18,50 € (01/2014)