Powerstatsjoon

Faan Wikipedia
Söl'ring


En Powerstatsjoon es en Giraat, hur en Akkumulātor, en Omrochter en en Railgiraat fuar't Āpleeren me iinbecht sen.

USB[Bewerke | Kweltekst bewerke]

Uk Önslüten fuar USB A en C sen diar fuar't Miist ön.

Di USB C-Önslüt heer aaftinoch en Stjüüring fuar Power Delivery. Des ken bit tö 120 Watt dö, en dit Giraat fortelt di Stjüüring, hur fuul dit nöörig heer. Di litjer en iinfacher Giraaten haa Power Delivery bit 60 of 100 Watt.
Tö des Systeem jert uk, dat em aur USB C eeđerleer ken. Sa ken em en Powerbank me "20.000 mAh" önslüt, wat 74 Wattstünen sen. Wan diar ombi 80 % ütkum, da fair di Powerstatsjoon diarfan ombi 60 Wattstünen (74 Wh x 0,8 = 59,2 Wh)

Em ken uk meet hur fuul Energii diar ütkumt.

Akku[Bewerke | Kweltekst bewerke]

Eeđer di Pris sen forskelig Bateriien iinbecht, wat em muar of mener aaft weđer āpleer ken (Syklental) .
Iinfachi Powerstatsjoonen haa Lithium-Ioonen-Selen me ombi 1.000 Syklen, wan et en bet jüürer wiis mus, da sen Lithium-Iirsen-Polymeer (LiFePo4) -Selen iinbecht, wat bit tö 3.000 Syklen skafi skel.

Kwaliteet[Bewerke | Kweltekst bewerke]

Jüst bi Powerstatsjoonen weeget höm en Amerikanisiaring fan di Reklāmi.

Di Giraaten uur ön gurt Talen becht, di Lir fo wat fuarspreeken en wan wat ek slaaget, da fair em en nii Jen söner dat dit Ual eeđerluket uur. Di Tilefoon- of E-Mail- Service es gönstiger üs wan em di Giraaten repariari wöör.

Sa her di Skriiwer fan des Artiikel en Anker 521 hur dit Display altert bleek waar. Dit Giraat waar büt. Bi dit taust Giraat es di Önslüt fuar't Āpleeren eeđer 4 Weeken ütjakelt.
Di Reklāmi sair, dat dit 10 Jaaren hual skel aurdat diar LiFePo-Bateriien benen sen.

Uk di Elektroonik heer en Hau wech: Hat ken fuarkum, dat em tau Lasten diarön heer, en dit Giraat keent bluat jen. Di Leerstroom uur diartöögen reeknet, en da sair dit Giraat, dat di Bateriien āpleeren sen, wat jaa gaar ek fol sen.

Dit kür sa ütse:
Önslööten sen en Leergiraat aur 230 Volt wat 51 Watt āpnemt.
En Powerbank fair 12 Watt
Töhop sen dit 63 Watt, dit Display weeget man 12 Watt

Nü kum 48 Watt aur Solār iin, en wü liif nü, dat höm dit ek foranert. Eeđer 4 Stünen meent dit Giraat dat et fol es.

En nü kumt et:
Wan em nü bi 100 % of 256 Wattstünen iin ön di Akku en Elektrosekel önslüt wat 200 Watt nemt, da skrekelt di Baterii eeđer 20 Minüten of, aurdat jü lerig es.
Em ken jaa al se, dat di tömendst 40 Minüten laap skul.

Wan em en nii Giraat fair, da ken dit ek aur DHL kum. Sa kür dit büt Giraat uk ek naa Söl stjüürt uur. Di büt Anker 521 kām direkt fan Chiina me DPD en maast en Adres üp Fastlön haa hur dit henstjüürt uur kür.

Jaa, en slaaget dit nii Giraat? Eeđer Skuulsensuuren es dit en mal knap 3. Di Buksi fuar dit Āpleerkābel es eeđer 4 Weeken sa ütjakelt, dat dit Giraat ön sin Steeker lii skel, dat diar Stroom iinkumt. Töhop me dit Stohai trinjom di Elektroonik es dit niin riin Früüger.

Di Giraaten fan Bluetti skel jit ringer wiis en somtirs eeđer Plastikrook hāremi.

Beeter uur aur Ecoflow-Giraaten snaket, wat uk üđer Leerönslüten haa. Des skel fuul soliider töhopluaret en becht wiis.

Wat em diarme maaki ken[Bewerke | Kweltekst bewerke]

Eeđer Akkukapatsiteet en di iinbecht Giraaten es dit forskelig, wat em diarme maaki ken. Sa let di Anker 521 (256 Wh Akku) ek muar üs 65 Watt Leerstroom iin, uk wan diar 240 Wp Photovoltāik önslööten sen. Dit iinbecht Āpleer-Railgiraat let ek muar üs 4,3 Ampere iin. Di Omrochter fuar 230 V-Skrekelstroom es fuar 200 Watt, bi 220 Watt giar di üt.
En üđer Giraat fan Bluetti let bi ombi di salev Akku (278 Wh Akku) bit tö 200 Watt Leerstroom iin en let uk 600 Watt üt di Steekdoos gung.

Me di nögen Anker 521 ken em man al en Elektrisk Wāremer fuar sin Iit en jit fuul muar önslüt.

Powerstatsjoonen jeft et bit tö 2 kWh Akku, en da sen ja mal swaar. Bi des Giraaten ken em da jen of muar ekstra Bateriien önslüt.

Di Giraaten me ombi 250 Wh kum üp 2,8 bit 4 Kilo.

Galeriien[Bewerke | Kweltekst bewerke]

Ainaarten, Swaarhairen en Stohai[Bewerke | Kweltekst bewerke]

Jen Akku fuar masi Giraaten[Bewerke | Kweltekst bewerke]

256 Wh / 200 W

Forskelen fan 4 Giraaten wat et 2023 jaav[Bewerke | Kweltekst bewerke]

Anker
Powerhouse 521
Bluetti
Power Oak EB 3A
Ecoflow River mini Jackery Explorer 240
Akku 256 Wh 268 Wh 210 Wh 240 Wh
Chemii LiFePo
Lithium Iirsen Polymeer
3.000 Syklen
LiFePo
Lithium Iirsen Polymeer
3.000 Syklen
NCM
Nātrium Cobalt Mangān
500 Syklen
NCM
Nātrium Cobalt Mangān
500 Syklen
Omrochter 230 V 200 Watt 600 Watt 300 Watt 200 Watt
Iinleten Leerstroom (max) 65 Watt Solār 200 Watt
Dual 430 Watt
Solār 200 Watt
230 Volt: 270 Watt
65 Watt
USB C PD[1] 60 Watt 100 Watt 100 Watt
Bluat "Wireless"-Versioon
Niin USB C
Āpleer aur USB C Jaa Naan Naan Naan
Āpleer-Steeker Klink
DC 7909
Klink
DC 7909
Kuulgiraatensteeker[2]
XT 60
Klink
DC 7909
Senerligs --- App App,
WLAN
me Hotspot
---
Wecht 3,7 kg 4,6 kg 2,8 kg 3,0 kg
Altert salev eeđerlees, wiis sa gur! Foraneringen ken em altert haa.
  1. PD = Power Delivery
  2. Iinbecht Leergiraat (Trāfo), Kābel sa üs uk fuar PC en üđer Giraaten.