Sahel (Regiuun uun Burkiina Faaso)

Faan Wikipedia
Tekst üüb Fering


Det Sahel Regiuun uun Burkiina Faaso

Det Sahel Regiuun (üüb Fraansöösk: La Région du Sahel [sa.ɛl]) as en regiuun uun de aafrikoons stoot Burkiina Faaso. Uun a nuurd an nuurdwaast leit Maali, uun a uast Niiger, uun a süüdwaast lei de Est an Centre-Nord Regiuunen an uun a waast leit det Nord Regiuun. At regiuun hee 968.442 lidj (2011). At hoodsteed as Dori.

Geografii[Bewerke | Kweltekst bewerke]

Det Moder Moschee faan Bani uun det Séno Prowins faan't regiuun

At regiuun as tausis grater üüs Sleeswich-Holstian.

Lunskap[Bewerke | Kweltekst bewerke]

Berger[Bewerke | Kweltekst bewerke]

Fjauer faan dön wichtigst berger uun Burkiina Faaso lei uun det Sahel Regiuun. De Koèl Berig (448 m), wat de seeksthuuchst berig uun't lun as, leit uun det Oudalan Prowins faan't regiuun. De sööwensthuuchst, de Zaran Kipsi Berig (441 m) an de tjinsthuuchst, de Lakba Berig (400m), lei uun det likedening prowins. De njüügensthuuchst berig uun't lun, de Gabou Kani Berig (411 m), leit uun det Soum Prowins.

Struumer[Bewerke | Kweltekst bewerke]

Tau struumer haa hörens hööd uun't regiuun. De tau struumer san bluat tidjwis mä weeder faald. Ian as de Béli Struum. At hood faan deheer struum leit uun det Soum Prowins, uun a nuurduast faan Djibo. De struum leept tu a nuurduast iin uun Maali, an do leept troch Maali iin uun det Oudalan Prowins. Do leept hi troch at nuurddial faan't prowins an iin uun Niiger. Diar leept hi iin uun de Niger Struum. De öler as de Babongou Struum, wat uk sin hood uun det Soum Prowins (tu a süüd faan at steed Aribinda) hee. A struum leept tu a süüduast iin uun, an do troch, det Centre-Nord Regiuun. Do leept hi iin uun det Yagha Prowins. A struum leept troch a süüd faan't prowins an do iin uun Niiger, huar hi iin uun de Niger Struum leept.

Indialing faan Ferwalting[Bewerke | Kweltekst bewerke]

At regiuun hee fjauer prowinsen.

Prowins Grate (km²)[1] Lidj (2006)[1] Hoodsteed
Oudalan 9832 195.964 Gorom-Gorom
Séno 6866 264.991 Dori
Soum 12.205 347.335 Djibo
Yagha 6457 160.152 Sebba

Histoore[Bewerke | Kweltekst bewerke]

At regiuun, üüs dön twaalew öler regiuunen uun Burkiina Faaso, wurd 2. Jüüli 2001 grünjlaanjen.

Luke uk diar[Bewerke | Kweltekst bewerke]

Kwelen[Bewerke | Kweltekst bewerke]

  1. 1,0 1,1 Burkina Faso, citypopulation.de