Burkiina Faaso

Faan Wikipedia
Waksle tu: Nawigatjuun, Schük
Foehr.svg Tekst üüb Fering


Flag faan Burkiina Faaso
Burkiina Faaso uun Aafrika

Burkiina Faaso (iar Boowervolta,üüb Fraansöösk: Burkina Faso [buʁkina faso] an Haute-Volta) as en stoot uun a waast faan Aafrika. Uun a nuurd leit Maali, uun a uast Niiger, uun süüdwaast Beniin, uun a süüd lei Toogo an Ghaana an uun a süüdwaast leit at Elfenbianküst. At lun hee 18.931.686 lidj (2015). At hoodsteed as Ouagadougou.

Geografii[Bewerke | Kweltekst bewerke]

Koord faan Burkiina Faaso

Geograafisk Laag[Bewerke | Kweltekst bewerke]

Burkiina Faaso leit twesken 15° 05' an 09° 24' (faan a nuurd tu a süüd) an 5° 30' an 2° 25' (faan a waast tu a uast). At lun as amanbi so grat üüs Tjiisklun.

At lun dialt grensen mä seeks lunen. Det lingst grens (1325 km) wurd mä Maali an det kurtst (131 km) mä Toogo diald. At lun dialt uk en 626 km lung grens mä Niiger, en 602 km lung mä Ghaana, en 545 km mä Elfenbianküst an en 386 km lung mä Beniin.

Lunskap[Bewerke | Kweltekst bewerke]

Uun a süüd as at lunskap green; uun nuurd jaft at wüüst.

Berger[Bewerke | Kweltekst bewerke]

De huuchst berig (749 m) uun’t lun as de Tenakourou Berig. Öler berger san: de Tanlallé Berig (562 m), de Kantolo Berig (542 m), de Tonvo Berig (470 m), de Kanso Berig (448 m), de Koèl Berig (448 m), de Zaran Kipsi Berig (441 m), de Nanga Berig (417 m), de Gabou Kani Berig (411 m) an de Lakba Berig (400m).

Struumer[Bewerke | Kweltekst bewerke]

Dön trii gratst struumer uun Burkiina Faaso san de Ruad Volta Struum, Suart Volta Struum an Witj Volta Struum.

Indialing faan Ferwalting[Bewerke | Kweltekst bewerke]

Burkiina Faaso hee 13 regiuunen (üüb Fraansöösk: Régions), wat iin uun prowinsen diald wurd.

Regioon Grate
(km2)
Lidj (2011) Hoodsteed Koord
Boucle du Mouhoun 34.333 1.631.321 Dédougou BurkinaFaso Regions.png
Cascades 18.424 637.279 Banfora
Centre 2.869 2.136.581 Ouagadougou
Centre-Est 14.710 1,302,449 Tenkodogo
Centre-Nord 19.677 1.375.380 Kaya
Centre-Ouest 21.752 1.348.784 Koudougou
Centre-Sud 11.457 722.631 Manga
Est 46.694 1.416.229 Fada Ngourma
Hauts-Bassins 25.343 1.469.604 Bobo Dioulasso
Nord 16.414 1.185.604 Ouahigouya
Plateau-Central 8545 696.372 Ziniaré
Sahel 35.360 968.442 Dori
Sud-Ouest 16.153 620.767 Gaoua

Befölkring[Bewerke | Kweltekst bewerke]

Spriiken[Bewerke | Kweltekst bewerke]

Det amtelk spriik faan Burkiina Faaso as Fraansöösk: 3.740.000 lidj uun't lun spreege detdiar spriik [1]. Natschunaal spriiken san Fula, Jula an More.

Biljing[Bewerke | Kweltekst bewerke]

Huuchskuulen uun Burkiina Faaso san: det Huuger Instituut för Informatiik an Ferwalting (uun Ouagadougou), Feekhuuchskuul faan Bobo-Dioulasso, det Uniwersiteet faan Ouagadougou an det Uniwersiteet faan Koudougou.

Histoore[Bewerke | Kweltekst bewerke]

Burkiina Faaso wiar en fraansöösk kolonii. At lun wurd 5. August 1960 suwereen. Sant suwereniteet san föl putschen. Maurice Yaméogo wiar de iarst president. At wiar 1966 en putsch. At hood faan't armee, Sangoulé Lamizana, wurd a efterfuliger. At wiar 1980 en öler putsch. Do wurd Saye Zerbo at stootsboowenhood. At wiar 1982 en öler putsch. Do wurd Jean-Baptiste Ouédraogo at stootsboowenhood. At wiar 1983 en öler putsch faan Koptein Blaise Compaoré. Do wurd Thomas Sankara at stootsboowenhood. A nööm faan't lun wurd 1984 tu Burkiina Faaso feranret. Koptein Blaise Compaoré startet 1987 en öler putsch, huaruun Thomas Sankara ambroocht wurd. Do wurd hi för 25 juar stootsboowenhood. Efter unrauen, treed hi 2014 turag an Isaac Zida wurd at stootsboowenhood. Hög wegen lääder treed hi turag an Michel Kafando wurd president. De letst putsch wiar uun 2015. At meecht wurd man bal tu Michel Kafando turagden an kurt diarefter't wiar en presidentskapswool.

Politiik[Bewerke | Kweltekst bewerke]

Burkiina Faaso as en republiik. Roch Marc Christian Kaboré as sant 2015 a president.

Bütjenpolitiik[Bewerke | Kweltekst bewerke]

Burkiina Faaso as lasmoot faan dön Feriand Natschuunen sant 20 September 1960.

Wiartskap[Bewerke | Kweltekst bewerke]

Ianselefterwisen[Bewerke | Kweltekst bewerke]

  1. Ethnologue, Burkina Faso.
12.266666666667-2.0666666666667