Text:Suart of bruket boksen

Suart of bruket boksen

1. Haa wi suart of bruket boksen,
Leederskur of holten klotsen,
Iidj wi beestenflääsk of brei.

Dreeg wi bluas a wäärdagst kluader,
Of san wi üüs aanj best skruader,
Det as, det as ianerlei.
Dreeg wi bluas a wäärdagst kluader,
Of san wi üüs aanj best skruader,
Det as, det as ianerlei.

2. Of wi boowen stun, besteme,
Of uk man mä't nuadagst lewe.
Arke juar an arken dai.

Of wi bütjluns loong studiare,
Of aran a knooken piire,
Det as, det as ianerlei.
Of wi bütjluns loong studiare,
Of aran a knooken piire,
Det as, det as ianerlei.

3. Of wi stolt kön ridj üüb hingster,
Of baarsbianet luup tu Pingster,
Wi finj so of so üüs wai.

Woort regiaret bääft huuch müüren,
Wi betaale dach üüs stüüren,
Det as, det as ianerlei.
Woort regiaret bääft huuch müüren,
Wi betaale dach üüs stüüren,
Det as, det as ianerlei.

4. Man of wi wat neis began wel,
Of bluas ual gäärs weder kau skel,
Üs en kü, wi skul dach spei.

Of wi mä üüs eilun oose,
An do bluas üüb öödern roose,
As ei, as ei ianerlei.
Of wi mä üüs eilun oose,
An do bluas üüb öödern roose,
As ei, as ei ianerlei.

5. Wi wel üs ei muar beklaage,
Uun üüs hart en ial uunmaage,
Dat det braant üs Piadersdai.

Of wi üs ferkrep uun't jonken,
An aran began tu sjonken,
As ei, as ei ianerlei.
Of wi üs ferkrep uun't jonken,
An aran began tu sjonken,
As ei, as ei ianerlei.

6. San wi kral an goorei faalag,
San bi't werk ei aueraalag,
Ling wi tu, lui san wi ei.

Seenkst dü: Skal't a Hergod raage,
Diar kön wi jo dach niks maage,
As ei, as ei ianerlei.
Seenkst dü: Skal't a Hergod raage,
Diar kön wi jo dach niks maage,
As ei, as ei ianerlei.

7. Diaram frinjer, nai an fiaren
Kem'em tuup, üüs stem tu hiaren,
Det as loong ei ianerlei.

Nü wel wi began tu sjongen,
Mä a ualen an a jongen,
Do san wi ei ianerlei.
Nü wel wi began tu sjongen,
Mä a ualen an a jongen,
Do san wi ei ianerlei.

Jens Jessen, 2019

efter: Bürgerlied (1845) faan Adalbert Harnisch (1815–1889)

Luke uk diar

Bürgerlied (Harnisch) (Huuchsjiisk Wikipedia)
Huuchsjiisk tekst an nuuten
Hannes Wader sjongt (YouTube)
Zupfgeigenhansel sjongt (YouTube)