Uwe Jens Lornsen

Faan Wikipedia
Tekst üüb Öömrang


Lornsen sin wichtag skraft.
Uwe Jens Lornsen


Uwe Jens Lornsen (* 18. Nofember 1793 uun Kairem üüb Sal; † 13. Febrewoore 1838 uun Pressy uun a Sweits) wiar en rochtsgeliarten an beamten faan't däänsk krüün. Mä sin letj buk Ueber das Verfassungswerk in Schleswigholstein hää hi ham för en ianag Schleswig-Holstian iinsaat.

Leewent[Bewerke | Kweltekst bewerke]

Lornsen-stunbil uun Rendsborag.

Uwe Jens Lornsen wurd bäären üs dring faan en koptein. Hi wul salew uk hal koptein wurd, man uun Euroopa wiar kriich. So studiaret hi rochtswedenskapen uun Kiil an Jena. 10 juar loong werket hi üs beamten uun Kopenhuuwen an wiar diar tustendag för a hertoochdoomen Schleswig, Holstian an Lauenburg.

1830 as Lornsen loonfööges üüb Sal wurden. Sin letj buk ütj at salew juar hed man 14 sidjen, man auer hi diarmä det monarchii uungrääb, kaam'er för en juar uun't suart hool faan Kiil an Rendsborag. Diar seed hi faan 1831 bit 1832. 1833 neid'er ütj an lewet hög juaren uun Rio de Janeiro. Diar skrääw hi det buk Die Unions-Verfassung Dänemarks und Schleswig-Holsteins, wat oober iarst efter san duas faan Wilhelm Beseler ütjden wurden as. 1837 kaam'er tüs tu Euroopa, auer sin saster swaar kraank wiar. Uun a Schweiz füng hi tu weden, dat hat oober al stürwen wiar. Hi wiar so swaarmudag, dat hi ham 1838 salew duad skood.

Iarangen[Bewerke | Kweltekst bewerke]

Luke uk diar[Bewerke | Kweltekst bewerke]

Commons Commonskategorii: Uwe Jens Lornsen – Saamlang faan bilen of filmer