Vikingland (Skep, 1974)

Söl'ring

Vikingland / Ersai 3

Di Vikingland üs nii Skep (1974) Di Vikingland üs nii Skep (1974)

p1 Skepsdaaten Flag Kasachstan Skepstyp Aarbers-Skep Fuarof RoPax Skepsklas Germanischer Lloyd 100 A5 K E RMRS (Special purpose ship) Rööpteeken OXUD (05/1974 - 04/1979) DJIN (03/1980 - 01/2008) URZ (Sent 2008) Heimathaawen AKTAU Jert tö ERSAI Caspian Contractor - Aktau, Kasachstan Werew Hüsemer Skepswerev Becht öner Numer 1401 Fan di Staapel löpen 30. Marts 1974 Ön Faart braacht 24. Mai 1974 Ofblewen Offshore-Skep "Ersai 3"

Maaten en Manskep Leengdi 68,28 m (hiilendal) 63,30 m (Lpp) Breetji 12,43 m Diipgung max. 2,5 m Sent 2008: 2,75 m Formeeting 1992 GT   Manskep 6 (Sent 2008)

Maskiin Maskiin 2 16-Kolben Deutz-Maskiin (bit 1994) Nii: 2 MWM TBD 604 DV8 Skepsdiesel Maskiinenkraft 1059 kW leeterhen 1200 kW (35,32 Litern Kolbenrüm, ark) Bugstraal: 1 IVECO 50.30, 367 Kw, Forstelbaar Sent 2008: 1 fixed pitch propeller Schottel 331 kW Gauest Faart 11 kn (20.4 km/h) Skrüüw(en) 2 forstelbaari Propelers en sent 2008:

Kapatsiteet Ken drai (Tenen) 520, sent 2008 472 tdw Tank 79 m³ Pasajiiri 585 (bit 2007) 75 Autos (bit 2007) 65 Pkw

Üđers wat Klasi Germanischer Lloyd Registernumer IMO 7349986. Forbrük 180 Liter Diesel 1 Liter Ööl di Stün'

Di Vikingland es en Aarbersskep fan di Saipem S.p.A. (Eni S.p.A.), Italien. Jü es sent 2008 fuaral ön Kasachstan önerwai. Fuarof wiar di Vikingland fan 1974 bit 2005 üs Föriskep ön di Skepslinie Röm-Söl' iinset.

Histoorii

Dit nii Skep waar ön't Jaar 1973 üp Kiil lair (Hüsemer Skepswerev, Bechningsnumer 1401).
Ön di 30. Marts 1974 waar jü üs Vikingland tö Weeter leten. Fan di 24. Mai 1974 ön wiar jü fuar di Kopenhaawener Reederii Lindinger ön di Rømø-Sylt Færgeri A/S, en Diil fan di Lindinger-Reederii ön Rødovre üp Seelön', Deenemark önerwai. Des Firma waar 1979 fan di Fördereederei ön Flensborig aurnomen, wat 1988 en nii Selskep fan di Föri maaketi, di Römö-Sylt-Linie GmbH. Fan ali Selskepen wiar di Vikingland aliweegen twesken Röm en Söl' iinset. Jü waar ön di niigentiger Jaaren ombecht.

Forskel tö di Westerland

Dit Skep wiar üs gurter Sesterskep tö dit ialer Föriskep Westerland becht. Di Linie wiar 1963 bigent uuren en her aur di Jaaren masi maaket, höör Kwaliteet en Kapatsiteet tö forbeeteri. Sa wiar di Vikingland uk ek bluat en gurter Skep, em her uk fan benen alis dönen, dat höm üp sin Rais diarme gur tö Wai wiis kür.
Fan büten her em di faini Linie fan di Westerland fuar't Miist bibihölen, man dit nii Skep fing niin "Skybar" muar boowen aur di Salon henbecht, en et her Rookgas-Piilern üp biiring Siren, hurfan jü en bet wuchtiger ütsaach.
Di Vikingland kür 65 Pkw en ombi 500 Mensken faar (Forskelig ön Somer en Wunter).

Di Westerland en di Vikingland kür töhop 120 Autos faar, en dit wiar muar üs inoch. Sa waar di ialer RoRo-Skeepen Sylt 1976 en Rømø ön't Jaar 1974 forkoopet.

1979 bit 2008

Hentö't Jen fan di soowentiger Jaaren fing di Reederii Lindinger Swaarhairen. Jü maast ön di Aprilmuun fan 1979 Insolvenz-Biskiir dö. Di Vikingland waar hentö di Fördereederei ön Flensborig forkoopet en faarti aliining ön di Förilinie.

1994 waar di Vikingland ön di Hüsemer Skepswerev ombecht (Achtern kām en Parfüümshop iin, sa üs uk bi dat Sesterskep "Westerland", diar diarbi uk Rookgaspiilers fingen her).
Sent di Maimuun 1991 wiar di Westerland weđer me üp Wai iinset. Aur di Wuntermuunen faarti fuar't Miist di Vikingland aliining, en di Westerland kām iin ön di Haawen fan Havneby üp Röm.
Ön di 12.Juuli 2005 kām di nii Sylt Express. Di "Westerland" en di "Vikingland" waar da āplair.

Ön di November fan 2007 waar di Vikingland naa Itālien forkoopet. Ön di 1. Marts 2008 waar dit Skep naa Kasachstan omflagt en ön Klaipeda (Letlön') ombecht.

Galerii

• 
  Di Vikingland (1974). Leenger üs di Westerland, man söner "Skybar" boowen üp Taak, wat des her.
• 
  Di Westerland ön höör beest Tiren, jit söner di Parfüümshop üp di Rech (Ombi 1975)
• 
  Me di Rømø-Sylt-Linie (1988) waar di Vikingland nii maalet. Dit waar ön di Tachentigers jit me Fārev maaket<ref>Di Skreftenmaalers maast diarfuar en hiili Dai üp Skep mefaar. Deling uur sawat fuar't Miist me Folie maaket, en Skreftenmaalers jeft et uk ek muar.
  ,
• 
  Fan 1994 ön her dit Skep achtern en Shop üp di Rech fingen. Ön't Junk falt et āp, dat di achterst Wininger bluat āpmaalet sen.
• 
  Ön di Meren fan di niigentiger Jaaren waar dit Nat aliweegen wichtiger, uk fuar di Föriskepslinie.

Ombechningen eeđer di Forkoop

Di Vikigland es niin Autoföri muar, jü es nü en Aarbersskep. Di Klapi fuarn waar techtswaist, di Wininger fan't Autodek en fuarn bi di Salon uk. Dat hiili Skep waar liiger maaket, dat et üp Stroomer lechter öner Bröchen döör aar ken.

Fan benen es dit Skep noch rocht makelk ütbecht uuren, dat em diar gur benen aarberi en uuni ken. Kontoori fuar 52 Mensken sen diar iinbecht, en Sateliten-Önlaag es diar uk iinkemen, dat em en bet Fiirluki ken. Uk en Server-Rüm waar iinrocht, dat em en Natwerk fan Reekenmaskiinen binüti en uk ön't Internet gung ken.
Önern heer em Aarbers- en Lāger-Rümen iinbecht en masi Maskiinen, sa üs uk en Krān, instaliaret.

Luki uk diar

 Commons: Vikingland (Skep, 1974) – Saamling fan Skelter en Videos

Üs Vikingland

• Sylt-Fähre. Sylt-2000, ufrepen de 24. Marts 2013. 
• Vikingland. Faergelejet.dk - billeder af færger fra Danmark og omegn, ufrepen de 24. Marts 2013 (deensk). 

Üs ERSAI 3

• Saipem-Vessels-Ersai 3. ´Saipem S.P.A., ufrepen de 24. Marts 2013 (ingelsk). 
• En PDF fan di Ersai 3
• Skelter ön di "Ferry-Site"
• Bi ERSAI es di ual suurt Kant weđer rocht henmaalet uuren!