Westerland (Skep)

Faan Wikipedia
Söl'ring


Westerland
Di Westerland ön Havneby (2006)
Di Westerland ön Havneby (2006)
Di Westerland ön Havneby (2006)
p1
Skepsdaaten
Flag FidschiFidschi Fidschi
Skepstyp RoPax-Föriskep
Skepsklas 100 A5 K
(Nai bi di Weeterkanten)
MC E0 1 (Föri)
Rööpteeken 3DZA
Heimathaawen Suva
Jert tö Bligh Water Shipping
Werew Hüsemer Skepswerev
Becht öner Numer 1297
Fan di Staapel löpen 12. Dezember 1970
Maaten en Manskep
Leengdi
58,4 m (hiilendal)
Breetji 12,4 m
Diipgung max. 2,5 m
Formeeting 1509
Maskiin
Maskiin 2 MAN-Diesel (1971 -88)
2 MWM TBD 604 BL6
(Sent 1988)
Maskiinenkraft 1048 kW (1971 - 1988)
1250 kW (Sent 1988)
Bugstraal:
1 KHD BF6M 716 , 197 kW .
Gauest Faart 11 kn (20.4 km/h)
Skrüüw(en) 2 forstelbaari Propelers
Kapatsiteet
Ken drai (Tenen) 356 tdw
Pasajiiri 400
Kabiinental 3
Autos 55 Pkw
Üđers wat
Registernumer

IMO 7041091

Forbrük

170 Liter Diesel
1 Liter Ööl
di Stün'

Di Westerland es en RoPax-Föriskep fan di Bligh Water Shipping Ltd.. Jü es sent di Februwaari fan 2007 twesken di Fidschi-Ailönen Viti Levu en Vanua Levu önerwai. Fuarof wiar di Westerland fan 1971 bit 2005 fuaral ön di Skepslinie Röm-Söl' iinset.

Histoorii[Bewerke | Kweltekst bewerke]

Dit nii Skep waar ön di 12. Marts fan't Jaar 1970 üp Kiil lair (Hüsemer Skepswerev, Bechningsnumer 1297).
Ön di 12.Wuntermuun[1] 1970 löp et üs Westerland fan di Stāpel. Eeđer en Jaar en soks Daagen waar di nii Föri ön di 18.Marts fan't Jaar 1971 hentö di Kopenhaawener Reederii Lindinger dönen. Des stjüürti di Westerland twesken Röm en Söl' üp Wai.

Wan em di Histoorii en bet biluket, da ken em forstuun, dat di Reederii stolt üp dit taust Niibechning fuar di Rømø-Sylt Færgeri A/S wiar. 1963 me en ual Pasajiirskep bigent, 1964 en Diirterskep bitö stjüürt, 1966 en Föri fan al 39 Jaaren diartö, 1967 di litjeri nii Föri, en 1971 en Skep fuar 55 Wainer, me Komfort aural en fuarn techt, üs en rocht "Liner": Di Westerland wiar en gurt Trap fuar di Linie.

1971: Dit nii Flagskep en en Model iin ön't Kontoorshüs

Hentö't Jen fan di soowentiger Jaaren fing di Reederii Lindinger Swaarhairen. Jü maast ön di Aprilmuun fan 1979 Insolvenz-Biskiir dö. Di Westerland waar hentö di Fördereederei ön Flensborig forkoopet en üs Reserviskep āplair.
Ön di Januwaari fan 1983 koopeti di Reederii E.H. Rasmussen di Westerland en her höör bit 1990 twesken Kappeln en Sönerborig üs Böderskep ön Gang. Tö des Tir wiar ön't Autodek en Duty-free-shop tö finj.
Fan di 14.Wuntermuun 1990 wiar di Westerland weđer fuar di Förde Reederii registriaret. Jü waar ön Hüsem ombecht (Achtern kām en Parfüümshop iin, sa üs uk bi dat Sesterskep "Vikingland"). Fan di Maimuun 1991 ön wiar di Westerland weđer twesken Röm en Söl' iinset. Aur di Wuntermuunen faarti fuar't Miist di Vikingland aliining, en di Westerland kām iin ön di Haawen fan Havneby üp Röm.
Ön di 12.Juuli 2005 kām di nii Sylt Express. Di "Westerland" en di "Vikingland" waar da āplair.

Ön di 20.Oktoober fan 2006 waar di Westerland hentö di Bligh Water Shipping Ltd. fan Fidschi forkoopet. Fuar di lüng Rais aur hoogi See (Kapverdisk Ailönen, Panamakanāl, Tahiti esf.) waar dat Skep ön Hüsem bi di Werev ombecht.
Di Faart waareti 53 Daagen, en di "Westerland" kām ön di 23. Januwaari fan 2007 bi di Fidschi-Ailönen ön.
Sent di Februwaari es jü diar twesken di gurtest Ailönen Viti Levu en Vanua Levu önerwai.
Di Noom "Westerland" heer dat Skep bihölen.
Ön di Aprilmuun fan 2008 drev di Westerland üp en Rif, man diar es ek olterfuul fan ön Steken gingen.

Ombechningen üp di Fidschis[Bewerke | Kweltekst bewerke]

Üp di Fidschi-Ailönen heer di Westerland trii nii Kabiinen fuar Pasagiiri fingen. Diarfan es jü en RoPax-Skep uuren. Üs dit ütsjocht, waar en Diil fan di Manskeps-Kabiinen ombecht, dat di forhüürt uur ken.
Hat jeft et niin Skelter fan di Ombechningen, man em kür meen, dat di Shops, wat jerer achtern ön't Salondek wiar, ombecht waar. Di trii nii Kabiinen haa Balkons, en jerer wiar achtern en Balkon aur di hiili Breerhair. Des waar 1990 techtmaaket, wan diar en Parfüümshop hen kām (Luki uk boowen). Di üđer ("Duty-Free")-Shop wiar al langsen achtern ön di Stjüürbuurd-Sir.
Di Manskepskabiinen wiar al langsen twesken Salon- en Autodek.

Luki uk diar[Bewerke | Kweltekst bewerke]

Commons Commons: Westerland (Skep) – Saamling fan Skelter en Videos
  • Sylt-Fähre. Sylt-2000, ufrepen de 13. Deetsember 2012.
  • Westerland. Faergelejet.dk - billeder af færger fra Danmark og omegn, ufrepen de 13. Deetsember 2012 (deensk).

En des jit bitö[Bewerke | Kweltekst bewerke]

Fünen üp https://web.archive.org/web/20080701030946/http://www.bunkerworld.com/classifieds/Vessels/ad_1101/

VESSELS FOR SALE-Ropax/Passenger [Vessels] International Energy Insurance Brokers Posted 3 Apr 2008

Category: Ropax / Passenger Type: car ferry / day passenger vessel, DWAT: 356, LOA x breath: 58,37 x 12,40 m, Draught: 2,50 m max., Build / country: 1971 Germany, rebuild 1988, Specific capacity: 546 passengers, 50 pass.crs or 6 trucks of 18 m.
Capacity / DWCC: 546 passengers

Main engine: 2 x MAN TBD 604 BHP: 2 x 850 BHP

Asking price: € 2,9m
Additional information: Well maintained car and passenger from EU owners, Sailing Northsea incl. restaurants/kitchens. Crew accommodation 9 beds in 9 cabins

AND,

Category: Ropax / Passenger, Type: car ferry / day passenger vessel, DWAT: 520, LOA x breath: 68,27 x 12,40 m, Draught: 2,50 m max., Build / country: 1974 Germany, Specific capacity: 585 passengers, 60 passenercars or 8 trucks of max 20 m length
Capacity / DWCC: 585 passengers

Main engine: 2 x DEUTZ MWM TBD 604 DV8 BHP: 2 x 1020 BHP

Asking price: € 2,5 M Additional information: Vessel sailing in timeschedule Northsea, Classed and well maintained, Main engines renewed 1994 Vessel in perfect condition, delivery ex northsea

Futnooten[Bewerke | Kweltekst bewerke]

  1. Detsember
  2. Dit jest Maaling heer bluat di Vikingland fingen, aurdat di Westerland jaa ön di Uastsee faarti.