1974: Ön di Hüsemer Werev ombecht en omdöpt (MS Katherine), forkoopet naa Kanada: Newfoundland Transportation Co. Ltd., St. John's Öntwesken omregistriaret fuar Goverment of Canada (Department of Works, Services und Transportation), St. John's, Kanada November 1998 forkoopet hentö Coonatramar, Puntarenas, Costa Rica. Omdöpt üp El San Lucas
Di Rømø wiar dit jest nii Skep fuar di Föriskepslinie Röm-Söl'. Di Linie wiar sent 1963 ön di Gang, en sent 1964 kür jü uk Autos transportiari.
Em wiar man mal knap me Plaats fuar di Wainer:
Di Anø wiar en Skep fuar Diirter, hur di 25 Autos fan di Bakbuurd-Sir üp Dek köör maast.
Di Sylt, diar sent November 1966 faarti, kür 28 Autos me fo.
Di Autos waar man aliweegen muar, en da maast di Rømø-Sylt-Færgeri A/S reagiari. Di Rømø waar bistelt en becht.
Tö Jööl 1967 waar jü ön Faart braacht. Di Anø fing üđer Āpgaawen, en di Reederii kür da me di tau Ro-Ro-Skeepen 61 Autos faar.
Bal wiar uk des tö litj uuren, en di Sylt wiar jaa uk al ialer. Sa waar 1970 di Westerland, en Föriskep, wat al 55 Autos me fo kür, becht en iinset. 1974 waar di Vikingland, jit gurter en wes uk jüür becht.
Da kür di Reederii metjens me tau Skeepen ombi 110 Autos faar, en di Komfort fuar di Pasajiiri wiar uk beeter üs em dit jerer her. Da wiar di Rømø aur en waar forkoopet.
Em ken man uk sii, dat di Skeepen fan di Rømø ön al weegi, wat Lindinger fuarher: En wertigi Alternatiiwi tö di Autotoch önber. Ön di Skeepen wiar masi Taachten omset (fuaral bi di Westerland), wat tö Tiren fan di Damplokomotiiwen üs Rewolutsjoonen önsen uur kür. Fuar't Oog wiar aliweegen uk wat diarbi.
Sa tört em höm uk ek wuneri, dat di tau leest Föriskeepen biiring aur 30 Jaaren ön di Linie faar kür en jit önerwai sen.
Söl'ring
