Fidschi

Tekst üüb Fering

Fidschi [ˈfɪdʒi], amtelk Republiik faan Fidschi (üüb Fidschi: Viti [ˈβitʃi] an Matanitu Tugalala o Viti, üüb Ingels: Fiji [ˈfi:ʤi:] an Republic of Fiji) as en eilunstoot uun a Süüd-Pasiifik. Tu a nuurduast leit Wallis an Futuna, tu a uast Tonga, tu a süüd Neisialun, tu a süüdwaast Neikaledoonien an tu a nuurdwaast Wanuaatuu. Det hee 884.887 lidj (2017)^[1]. At hoodsteed faan't lun as Suva.

Geografii

At lun as dial faan Melaneesien. Det bestäänt ütj 332 eilunen, diarfaan 110 bewenet san. Bütj dön Fidschi-Eilunen hiart noch det Rotuma-Eilun uun de bütjerst nuurd an uk det Ceva-i-Ra Atol uun de bütjerst süüdwaast tu't lun. Dön gratst faan dön Fidschi-Eilunen san Viti Levu an Vanua Levu.

Iindialing faan Ferwalting

Fidschi hee fjauer diwisioonen an ian besaner distrikt (Rotuma):

#	Nööm	Grate (km²)^[1]	Lidj (2017)^[1]	Hoodsteed
1	Central	4293	378.284	Suva
2	Eastern	1422	37.648	Levuka
3	Northern	6199	131.914	Labasa
4	Western	6360	337.041	Lautoka

Histoore

Fidschi wurd 1970 suwereen. At jonger histoore faan't lun wurd faan a konflikt twesken det indigeen fidschiaans muarhaid an't indisk-fidschiaans manerhaid bestemet. Det san fjauer putschen (tau uun't juar 1987, 2000 an 2006) sant suwereniteet.

Befölkring

Politiik

At lun as en parlamentaarisk republiik. At stootsbaas as a president. A president faan't lun sant 12. Nofember 2015 as Jioji Konrote.

Bütjenpolitiik

Fiji as sant 13. Oktuuber 1970 lasmoot faan dön Feriand Natschuunen. Det wiar faan 1970 tu 1987 an as sant 1997 lasmoot faan det Commonwealth of Nations (suspendiaret 2000-2001, 2009-2014).

Luke uk diar

Suwereen stooten uun Melaneesien: Fidschi, Papua-Nei-Guinea, Salomoon-Eilunen, Wanuaatuu.

Kwelen

↑ ^1,0 ^1,1 ^1,2 Fiji, citypopulation.de

[Fidschi-1] 1,0 ^1,1 ^1,2 Fiji, citypopulation.de

[1]