Albaanien/fe

Faan Wikipedia
Waksle tu: Nawigatjuun, Schük
Foehr.svg Tekst üüb Fering


Flag

Albaanien [alˈba:ni̯ən], amtelk Republiik faan Albaanien (üüb Albaansk: Shqipëria [ʃcipəˈɾia] an Republika e Shqipërisë), as en stoot uun a süüduast faan Euroopa, üüb at Balkanhualeweilun. Uun a nuurd lei Monteneegro an Kosowo, uun a uast Masedoonien, uun a süüd Grekenlun an uun a waast lei det Adriaatisk Sia an Ioonisk Sia. At lun hee 3.195.000 lidj (2016) [1]. At hoodsteed as Tirana.

Geografii[Bewerke | Kweltekst bewerke]

Koord faan Albaanien

Indialing faan Ferwalting[Bewerke | Kweltekst bewerke]

Albaanien hee twaalew regiuunen (üüb Albaansk: Qarqe).

# Regiuun Hoodsteed Koord
1 Berat Berat Albania, administrative divisions - de - colored.svg
2 Dibër Peshkopi
3 Durrës Durrës
4 Elbasan Elbasan
5 Fier Fier
6 Gjirokastër Gjirokastër
7 Korçë Korçë
8 Kukës Kukës
9 Lezhë Lezhë
10 Shkodër Shkodër
11 Tirana Tirana
12 Vlorë Vlorë

Befölkring[Bewerke | Kweltekst bewerke]

Efter a letst folksteelung uun Albaanien (2011) hee at lun 2.800.138 lidj: 1.403.059 faan a lidj san karmen an 1.397.079 san wüfhööd [2].

Spriiken[Bewerke | Kweltekst bewerke]

Det amtelk spriik faan't lun as Albaans, wat tau spriikwisen hee: det Geegisk, wat uun a nuurd faan't lun faan 1.200.000 lidj spreegen wurt an Toskisk, wat uun a süüd faan't lun faan 1.570.000 lidj spreegen wurt. Öler spriik uun't lun san: det Arumeensk (3850 spreegern), det Greks (15.200 spreegern), det Masedoons (4440 spreegern) an det Wlach Romani (4000 spreegern)[3].

Histoore[Bewerke | Kweltekst bewerke]

Albaanien wurd efter a Iarst Balkaankrich 28. Nofember 1912 suwereen. Uun a Iarst Wäältkrich wurd at nuurden faan Albaanien faan Serbien an Monteneegro an at süüden faan Itaalien an Grekenlun besaatet. Uasterrik-Ungarn besaatet 1915 at nuurden an at maden faan at lun. Leeder besaatet Frankrik dialen faan at süüden. Efter a krich fersoocht, man ei loket, Fan Noli en demokraatisk republiik ap tu saaten. Faan 1925 ap tu 1939 jaft et en autoriteer reegiment oner Ahmet Zogu. Itaalien fool 1939 Albaanien iin. At lun wurd faan 1943 faan Tjiisklun besaatet, man det wurd 1944 faan partisaanen befreit. Diarefter wurd en komunistisk diktatuur apsaatet, wat ap tu 1991 düüret. Albaanien as nü en parlamentaarisk republiik.

Ianselefterwisen[Bewerke | Kweltekst bewerke]

  1. [1] Instituti i Statistikave, "Popullsia e Shqipërisë, 1 Janar 2016."
  2. [2] Instituti i Statistikave, "Census Data."
  3. [3] Ethnologue, Albania