Marshall-Eilunen

Faan Wikipedia
Tekst üüb Fering


Flag faan dön Marshall-Eilunen
Dön Marshall-Eilunen uun a Pasiifik

Dön Marshall-Eilunen, amtelk at Republiik faan dön Marshall-Eilunen (üüb Marshalleesk: Aolepān Aorōkin M̧ajeļ, üüb Ingels: The Marshall Islands and The Republic of the Marshall Islands) as en eilunstoot uun a maden faan a Pasiifik. Tu a waast lei dön Tupslööden Stooten faan Mikroneesien, tu a nuurd leit Wake-Eilun, tu a süüduast Kiribaati an tu a süüd Nauru. At lun hee 53.158 lidj (2011)[1]. At hoodsteed faan't lun as Majuro.

Geografii[Bewerke | Kweltekst bewerke]

At lun leit uun Mikroneesien. Det bestäänt ütj tau keeden faan eilunen an atolen: det Ratak-Keed (a sanapgungseilunen) mä 14 atolen an tau eilunen uun a uast an uk det Ralik-Keed (sanonergungseilunen) mä 15 atolen an trii eilunen uun a waast.

Iindialing faan Ferwalting[Bewerke | Kweltekst bewerke]

At lun hee fjauer-an-twuntig munisipaliteeten:

# Nööm Grate (km²)[1] Lidj (2011)[1]
1 Ailinglaplap Atol 1469 1729
2 Ailuk Atol 536 339
3 Arno Atol 1295 1794
4 Aur Atol 562 499
5 Ebon Atol 575 706
6 Enewetak Atol 585 664
7 Jabat Eilun 57 84
8 Jaluit Atol 1134 1788
9 Kili Eilun 93 548
10 Kwajalein Atol 1639 11.408
11 Lae Atol 145 347
12 Lib Eilun 93 155
13 Likiep Atol 1026 401
14 Majuro Atol 971 27.797
15 Maloelap Atol 982 682
16 Mejit Eilun 186 348
17 Mili Atol 1593 738
18 Namorik Atol 277 508
19 Namu Atol 627 780
20 Rongelap Atol 795 79
21 Ujae Atol 186 364
22 Utrik Atol 243 435
23 Wotho Atol 433 97
24 Wotje Atol 818 859

Histoore[Bewerke | Kweltekst bewerke]

A eilunen wurd efter a apfinjer John Marshall (1748-1819) neemd. Jo wiar en spaans kolonii. A eilunen wurd 1885 tu Tjiisklun ferkeeft an jo wurd dial faan Tjiisk Nei-Guinea. Jaapaan naam a eilunen uun de Iarst Wäältkrich. Jo wurd uun de Naist Wäältkrich faan dön Ferianigt Stooten besaat. A eilunen wurd 1986 suwereen.

Politiik[Bewerke | Kweltekst bewerke]

At lun as en parlamentaarisk republiik. At stootsbaas as a president. A president faan't lun sant 28. Janewoore 2016 as Hilda C. Heine.

Bütjenpolitiik[Bewerke | Kweltekst bewerke]

Dön Marshall-Eilunen san sant 17. September 1991 lasmoot faan dön Feriand Natschuunen.

Luke uk diar[Bewerke | Kweltekst bewerke]

Kwelen[Bewerke | Kweltekst bewerke]

  1. 1,0 1,1 1,2 Marshall Islands, citypopulation.de