Jidisk

Faan Wikipedia
(Widjerfeerd faan Jiddisk)
Zur Navigation springen Zur Suche springen
Foehr.svg Tekst üüb Fering


Koord faan dön Jidisk spriikwiisen

Jidisk (üüb Jidisk: יידיש of אידיש Jidisch of Idisch, wurdelk jüüdsk, kurt för ייִדיש-טײַטש Jidisch-Taitsch of Jüüdsk-Tjiisk) as en amanbi düüsen juar ual spriik, wat faan aschkenaasisk juuden uun widj dialen faan Euroopa spreegen an skrewen wurd an faan en dial faan hör efterfeeder tu daaling spreegen an skrewen wurt. At spriik hiart tu det germaans skööl faan spriiken. Det as efter algemian meening en ütj det Madelhuuchtjiisk ütjgingen waastgermaans, mä hebreewsk, arameeisk, romaanisk, slaawisk an widjer spriikelementen uunfalet spriik. Det dialt ham iin uun Waast- an Uastjidisk. Det letster bestäänt ütj dön spriikwiisen Nuurduastjidisk („Liitauisk Jidisk“), Madeljidisk („Poolsk Jidisk“) an Süüduastjidisch („Ukrainisk Jidisk“). At spriik brükt det hebreewsk alfabeet.