Norwäisch
 Täkst aw mooringer frasch
|
Norwäisch (aw Norwäisch: Norsk) as en skandinoowischen spräke, wat foon ambai fiiw miljoone manschne snååked wårt, fort mååst önj Norwäi. Et norwäisch bestoont üt maning ünlike dialäkte ouers et jeeft deer nån sliiks "huuchnorwäisch". Uk önj e öfentlikhäid snååket huum fort mååst san äine mämenspräklike dialäkt. Schraawen wårde koon norwäisch aw ån foon twäär gödjkånde schraftspräke: Nynorsk än Bokmål.
Bokmål heet ham üt et Riksmål ütwikled, wat awt dåånsch basiirt. Nynorsk wörd foon e spräke waasenschapsmoon Ivar Aasen önj e mal foont 19. iirhunert apstald än basiirt apårti aw e äinschape foon da dialäkte, wat önj weest- än sentråål-norwäi snååked wårde. Önj biise spräke koone maning uurde aw möre sliike schraawen wårde, amdåt ja tu da ünlike spräkewise pååse.
Önjt schölj liirt följk biise schraftspräke, ouers ån deerfoon as sidemål ("sidespräke").
Kiik uk deer
[Bewerke | Kweltekst bewerke]
Commons: Norwäisch – Soomling foon bile än filme