Zum Inhalt springen

Speegel

Faan Wikipedia
Tekst üüb Öömrang


En waas mä sin speegelbil.

En Speegel, (sö.)Spail (faan latiinsk speculum an specere 'sä') as en glääd flaak, diar laacht reflektiaret, huarbi a laachtstrualen paraleel bliiw. Sodenang as uun a speegel en speegelbil tu sen, diar akeroot so ütjsjocht üs det bil, bluas speegelferkiard.

Uk ööder elektromagneetisk strualen üs t.b. mikrowaagen an tuuner, diar wi ei sä kön, kön reflektiaret wurd. Oober wi sai do ei speegelt, auer wi jo ei sä kön.

Bi't speeglin gongt leewen en betj energii ferleesen, en gans letjen dial woort absorbiaret (ferslonken) of streid, an ei reflektiaret. Det speegelbil as nimer so laacht üs det bil.

En speegel as normoolerwiis en glääsplaad, huar bääft üüb en fiinen film faan salwer of alumiinium as. An det metal diar bääft üüb woort lakiaret, amdat det ei begant tu oksiidiarin.

Spreegwurden[Bewerke | Kweltekst bewerke]

  • Wan dü en aab sä wel, luke ans iin uun en speegel.[1]
  • Faan trataanj trinjam a boosel stareft di, di oner a speegel (= at booselaanj) sat.[1]

Ööders wat[Bewerke | Kweltekst bewerke]

En ualen ütjdruk för 'speegel' as 'skemstian'. Diaram hää Moritz Momme Nissen sin nuurdfresk buk di nööm den: De Freske Sjemstin.

Kwelen[Bewerke | Kweltekst bewerke]

  1. 1,0 1,1 Volkert Faltings an Reinhard Jannen: Fering-Öömrang Spreegwurdleksikon, Hüsem 2012

Luke uk diar[Bewerke | Kweltekst bewerke]

Commons Commonskategorii: Speegel – Saamlang faan bilen of filmer