Nordfrasch

„Nordfrasch“ önj da ainkelte spräkewise

Sölring ·  Öömrang ·  Fering ·  Halunder ·  Halifreesk ·  Mooring ·  Wiringhiirder ·  Karhiirder ·  Gooshiirder

Täkst aw mooringer frasch

Da Nordfriiske spräkewise

Nordfrasch („Nordfriisk“) as iinj foon e trii frasche spräke. Snååked wårt Nordfrasch foon süwat 10.000 manschne önj e kris Nordfraschlönj. Önj e naie tid jäif dåt tiin dialekte foont Nordfrasch. Sääker iinj deerfoon – dåt Söödergooshiirder – as ål düüs blaawen. Da tiin spräkwise san:

• Ailönjfrasch
  • Sölring
  • Fering än Öömrang
  • Halunder
• Fååstewålfrasch
  • Wiringhiirder Freesk
  • Karhiirder Fräisch
  • Bökinghiirder/Mooringer Frasch
  • Noordergooshiirder Fräisch
  • Middelgooshiirder Freesch
  • Söödergooshiirder Freesch
  • Hålifreesk

Dåt Nordfriisk as döör e Europäisch Charta for regionaal- unti manerhäidespräke as manerhaidespräke önj Tjüschlönj gödjkånd.

Noome

Bai e noome koone jam siinj, dåt arke spräkewis har äin noome fort Friisk heet unti sügåår, as e ailönjspräkewise, har seelew goorai Friisk nååmt. Deeram wårt dåt kunstuurd Friisk for åle tuhuupe brükt.

Ferglik foon e spräkewise bai hu uurde

Söl'ring	Faaðer	Mooter	Sester	Bröðer	Nuurđfriisk
Fering	aatj	mam	saster	bruler	Nuurdfresk
Öömrang				bruder
Halunder	Foor	Mem	Söster	Bruur	Noorfriisk
Halagfresk	baabe	mäm	soster	bröör	Nordfreesk
Wiidinghiirder	tääte	määm	söster	broor	Nordfreesk
Karhiirder		mäm		brauder	Nordfräisch
Bökinghiirder	taatje	mam		brouder	Nordfrasch
Nuurdergooshiirder	fååje	mäm	soster	brår	Nordfräisch
Madelgooshiirder	ate		söster	broor	Nordfreesch
Süüdergooshiirder	fåår, fååðer			brööðer
Tjüsch, Dütsk	Vater	Mutter	Schwester	Bruder	Nordfriesisch

Unerschiisinge

Hü hu foon da spräkwise ham ferhüülje, koon huum siinj önj e tabäle bai Friiske spräke. Heer jeeft et nuch hu apårtie unerschiisinge:

Mooring	mäke	trüs	gååsme	twört	flååge
Fering	kleebe	pod	jaaspe, jibe	kwärt	böi
Söl'ring	taatji	gre Por, Öörtpor	gapi	kwert	büü
Halunder	paike	¹	djaape	dech	keäk
Seeltersk	oapje	Pudde	japje	Däächte	Böie
Tjüsch, Dütsk	küssen	Kröte	gähnen	Docht	Bö

¹ Trüse jeeft dåt wälj ai aw dåt fälse-ailönj

Mooring	låå	mårling	joose	ai
Fering	skine	jimaaren	fulre	ei
Söl'ring	skiin	jümiaren	rök	ek
Halunder	skin	djimoorn	futtere	ni
Seeltersk	Schäin	määrlich	fodderje	nit
Tjüsch, Dütsk	Scheune	heute Morgen	füttern	nicht

Sii uk

• Nordfriisk
• Spräkütbäg
• Friiske spräke
• Ernst Löfstedt
• Nordfriisk Instituut

Ferwisinge eeder büte

• En latj täkst önj möre spräkewise