Mauretaanien

Faan Wikipedia
Zur Navigation springen Zur Suche springen
Foehr.svg Tekst üüb Fering


Flag sant 2017
Mauretaanien uun Aafrika

Mauretaanien, amtelk Islaamisk Republiik faan Mauretaanien (üüb Araabsk: الموريتانية al-Mūrītāniyya an الجمهورية الإسلامية الموريتانية al-Jumhūriyya al-Islāmiyya al-Mūrītāniyya) as en stoot uun a nuurdwaast faan Aafrika. Uun a nurduast leit Algeerien, uun a uast an süüduast Maali, uun a süüdwaast Seenegal an uun a nuurdwaast at teritoorium faan Waastsahara. At lun hee 3.537.368 lidj (2013)[1]. At hoodsteed as Nouakchott.

Geografii[Bewerke | Kweltekst bewerke]

Koord faan Mauretaanien

Geograafisk Laag[Bewerke | Kweltekst bewerke]

Mauretaanien leit twesken 27° 19' an 14° 43' (faan a nuurd tu a süüd) an 17° 03' an 4° 45' (faan a waast tu a uast). At lun as det elwenstgratst lun uun Aafrika an as triisis grater üüs Tjiisklun.

At lun dialt grensen mä fjauer lunen. Det lingst grens (2237 km) wurt mä Maali an det kurtst (453 km) mä Algeerien diald. At lun dialt uk en 1561 km lung grens mä Waastsahaara en 813 km lung mä Seenegal.

Lunskap[Bewerke | Kweltekst bewerke]

Berger[Bewerke | Kweltekst bewerke]

Berger uun Mauretaanien san: Kediet ej Jill (915 m), Teniaggoûri (815 m), Et Toûmiyât (703 m), Goûr Amogjâr (690 m), Tizzai (637 m), Guelb Ben ’Amîra (635 m), Tarf Neïtiri (598 m), Tijjem (582 m), Gleïb Dbak (574 m) an Tarf Ntouiouiz (540 m).

Indialing faan Ferwalting[Bewerke | Kweltekst bewerke]

Mauretaanien hee 15 regiuunen (üüb Araabsk: وِلَايَات wilāyāt).

Regiuun Grat (km²) Iinwenern (2013) Hoodsteed Koord (Föör 2014)
1 Adrar 235.000 62.658 Atar Mauritania regions english.png
2 Assaba 36.600 325.897 Kiffa
3 Brakna 33.000 312.277 Aleg
4 Dakhlet Nouadhibou 23.090 123.779 Nouadhibou
5 Gorgol 13.600 335.917 Kaédi
6 Guidimaka 10.300 267.029 Sélibabi
7 Hodh Ech Chargui 182.700 430.668 Néma
8 Hodh El Gharbi 53.400 294.109 Ayoun el Atrous
9 Inchiri 46.800 19.639 Akjoujt
10 Nouakchott-Nord 306 366.912 Dar-Naim
11 Nouakchott-Ouest 146 165.814 Tevragh-Zeina
12 Nouakchott-Sud 252 425.673 Arafat
13 Tagant 98.340 80.962 Tidjikja
14 Tiris Zemmour 252.900 53.261 Zouérat
15 Trarza 67.800 272.773 Rosso

Histoore[Bewerke | Kweltekst bewerke]

Ual flag faan Mauretaanien 1959-2017

At lun wurd 1904 dial faan Fraansöösk Waast-Aafrika. Mauretaanien wiar wichtig üüs en ferbinjing twesken fraansöösk koloniien uun Nuurd an Waast Aafrika. Fraansöösk ferwalting bestäänt bluat rochtwoor uun at lun loongs a eeg an a hanelswaier uun’t Sahaara. Mauretaanien wurd 28. Nofember 1960 suwereen. Moktar Ould Daddah wiar de iarst president. At wiar trii putscher uun 1978, 1980 an 1984, wat tu brud kaam. Efter de öler putsch wurd Maaouya Ould Sid'Ahmed Taya föörmaan faan't lun ap tu 2005. Efter en öler putsch uun 2005, wurd de Militeerriad för Gerochtighaid an Demokratii at regiaring. At wiar 2007 woolen an Sidi Mohamed Ould Cheikh Abdallahi wurd president faan't lun. At wiar de naist juar en öler putsch. 2009 wiar't woolen an Mohamed Ould Abdel Aziz wiar president faan't lun.

A föörmaan faan't regiaring sant suwereniteet san:

  • Moktar Ould Daddah (1960-1978), diar faan en putsch ufsaatet wurd.
  • Mustafa Ould Salek (1978-1979)
  • Mohamed Mahmoud Ould Louly (1979-1980), diar faan en putsch ufsaatet wurd.
  • Mohamed Khouna Ould Haidalla (1980-1984), diar faan en putsch ufsaatet wurd.
  • Maaouya Ould Sid'Ahmed Taya (1984-2005), diar faan en putsch ufsaatet wurd.
  • Ely Ould Mohamed Vall (2005-2007)
  • Sidi Ould Cheikh Abdallahi (2007-2008), diar faan en putsch ufsaatet wurd.
  • Mohamed Ould Abdel Aziz (2008-April 2009, August 2009-)
  • Ba Mamadou Mbaré (April-August 2009)

Politiik[Bewerke | Kweltekst bewerke]

Mauretaanien as en republiik. A president faan't lun sant 2009 as Mohamed Ould Abdel Aziz. At partei faan't regiaring as det Union pour la République.

Bütjenpolitiik[Bewerke | Kweltekst bewerke]

Mauretaanien as lasmoot faan dön Feriand Natschuunen sant 27. Oktuuber 1961.

Wiartskap[Bewerke | Kweltekst bewerke]

At weering faan't lun as de Ouguiya, wat faan det Sentraalbeenk faan Mauretaanien ütjbroocht wurt.

Kwelen[Bewerke | Kweltekst bewerke]

  1. www.citypopulation.de
19.566666666667-10.65